Телото на жената за време на бременоста се менува и обилниот вагинален исцедок е една од тие промени. Доколку вагиналниот исцедок е бел или проѕирен и нема мирис, најверојатно е знак за здрава матка. Поради хормоналните и имунолошки промени во бременоста, вагиналните инфекции се почести и многу е важно да се разликува нормален исцедок од знаци на инфекција. Со правилно препознавање и лекување на инфекцијата во бременоста, се намалува ризикот од спонтан абортус и предвремено породување.
БАКТЕРИСКА ВАГИНОЗА
Најчеста инфекција за време на бременоста е бактериската вагиноза. Предизвикана е од прекумерно размоножување на Gardnerelle vaginalis, која нормално се наоѓа во матката, која најверојатно е поради хормоналните промени во бременоста. Станува збор за пореметена вагинална флора, повеќе отколку за инфекција, но бара лекување оти нарушената флора е добар предуслов за појава на други инфекции кои може да предизвикаат спонтан абортус или предвремно породување. Се карактеризира со мирис на вагиналниот исцедок ‘на риба“, чешање на локалното подрачје и пецкање при мокрење.
Една од пет трудници ја има оваа инфекција,на лекувањето зависи од периодот на бременоста, и не е задолжително лекување на партнерот. За превенција се препорачува одржување на хигиена, памучна долна облека и избегнување на долги купки.
ГАБИЧНИ ИНФЕКЦИИ
Вагиналните габични инфекции се почесто се јавуваат за време на бременоста, а се карактеризираат со исти симптоми како и надвор од бременост: јадеж, пецкање и бел сирест исцедок без мирис. Се лекува со противгабични вагиналети во комбинација со пробиотици. Овие инфекции по правило не ја загрозуваат бременоста, ниту плодот, но се склони на повторување.
За превенција на овие инфекции важат истите совети како и кај бактериската вагиноза, но дополнително се препорачува избегнување јаглехидрати и почесто консумирање на орални и вагинални пробиотици.
СТРЕПТОКОКА
Според медицинските податоци, 20 до 25% од здравите жени во својот дигестивен систем и во матката имаат Бета-хемолитичка стрептокока од групата Б (БХСБ). Најчесто нејзината присутност е без симптоми. Но, со минување низ родилниот канал, во случај на присутност на БХСБ, детето може да се инфицира и да развие тешки форми на инфекција како воспаление на белите дробови и воспаление на мозочната обвивка, па затоа препораките се да се земе брис од матката и перинеалното подрачје помеѓу 35. и 37. недела од бременоста.
Во случај на присутност на БХСБ, нужно е да се спроведе соодветна терапија и профилакса при породувањето, за да се избегнат компликации. За жал, не постои начин на превенција од инфекција со оваа бактерија кај жените.
УРЕАПЛАЗМА
Уреаплазмата е паразитска бактерија и инфекцијата со оваа бактерија во бременоста може да доведе до воспаление на постелката, предвремено прскање на водењакот и предвремено породување. Ако инфекцијата не се лекува, може со минување низ посетлката да доведе до воспаление на белите дробови и мозочната обвивка на плодот. Најчесто е асимптоматска, а се открива со земање брис од грлото на матката. Се лекува со антибиотици и потребно е да се лекува и парнерот.
Најчесто се пренесува по полов пат, но инфекцијата со оваа бактерија може да се стекне и контактно (влажни пешкири, сауна, базен, валкани предмети за интимна употреба). Сигурни и заштитени односи, како и одржување на интимна хигиена се начини на превенција од инфекција со оваа бактерија.
