Ноќта помеѓу саботата и неделата, 27. март, во 02 часот се помести часовникот и почна летното сметање на времето. Возрасните го поместија стрелките нанапред и продолжија со вообичаениот ритам, но што е со децата и нивниот ритам на спиење?
Ова може да се промени!
Денот е подолг за еден час, а тоа може да предизвика големи проблеми во распоредот на спиење, особено во текот на денот. Меѓутоа, постојат некои тактики кои треба да ги спроведете ако сакате оваа промена да биде што е можно побезболна.
- Затемнување на собата
Малите деца немаат поим за времето, па будењето и легнувањето во крвет, само по себе е предизвик. Затемнувањето на собата со завеси или ролетни ќе го спречи детето да се разбуди со првите сончеви зраци и ќе му помогне да спие подобро.
- Добра вечерна рутина
Релаксацијата им помага на децата да се подготват за спиење. Децата кои имаат квалитетна, редовна вечерна рутина често се помалку погодени од поместувањето на стрелките на часовникот и ќе им треба помалку време да се прилагодат на новото време.
Добра идеја е топла бања, масажа, пиење чаша топло млеко, миење заби, галење и читање приказни.
- Намалено време поминато пред екрани
Децата не треба да користат екрани најмалку еден час пред спиење за да можат побрзо да се смират и да заспијат.
- Постепено прилагодете го времето на спиење
Во неделата пред промената на времето, можете постепено да го прилагодувате вашето дете на нова рутина секоја вечер. Секоја вечер пратете го вашето дете во кревет 10 минути порано. Во ноќта на преминот од зимско во летно сметање на времето, детето ќе го има вообичаениот режим.
- Не правете ништо
Не сите деца се толку погодени од промените на времето. Детето можете да го легнете во вообичаеното време, па поради исцрпеност ќе се прилагоди на новиот режим во рок од ден-два.
Не грижете се ако вашето дете не функционира таа недела. На некои им требаат неколку дена за целосно да се прилагодат на промената и наскоро ќе се вратат на нивната природна рутина на спиење.
