„Нашиот син пред неколку дена имаше лесна вироза без температура. Имаше и дигестивни проблеми, но ништо алармантно. Педијатарот по телефон не советуваше што да направиме и јас веќе вчера размислував да го пуштам во градинка бидејќи изгледаше како се да поминало… но попладне целосен шок! Детето не може да застане на нозе, ниту да направи чекор. И сопругот и јас занемевме од страв. На итна ни објаснија за што се работи…“, вели мајка од Загреб во изјава за хрватски „24 Сата“, која сака да остане анонимна.
Многу е важно лекарот да обезбеди точна дијагноза за терапевтскиот одговор да биде соодветен. Имено, лекарот мора да ја исклучи можноста дека се работи за бактериска инфекција на зглобот која се лекува поинаку и бара хоспитализација
„Во педијатриската амбуланта која има во просек до 80 пациенти дневно, можеме да очекуваме дека две до три дијагнози во месецот ќе бидат синовитис. Станува збор за воспаление на зглобната капсула што се јавува за време или по вирусни инфекции. Не станува збор за инфекција на зглобот, туку за грешка во имунолошкиот одговор на телото во која организмот ја препознава сопствената зглобна капсула како туѓо тело и предизвикува воспаление“, објаснува проф. д-р Миливој Јованчевиќ, примариус и специјалист педијатар во пензија.
Тој посочува дека во повеќе од 95 проценти од случаите проблемот се јавува во пределот на колковите, но може да влијае на кој било друг зглоб, како што се рамената или колената. Исто така, палетата на симптоми е широка и може да варира од блага болка во пределот на колкот до екстремна ситуација во која детето чувствува ужасна болка и не може да ја испружи ногата.
„Во принцип синовитисот ретко се повторува, но тоа не е исклучено. Добрата вест е што поминува без трајни последици, а притоа е многу важно лекарот да обезбеди точна дијагноза за терапевтскиот одговор да биде соодветен. Имено, лекарот мора да ја исклучи можноста дека се работи за бактериска инфекција на зглобот која се лекува поинаку и бара хоспитализација. Во овој случај, кога станува збор за одговор на вирусна инфекција, синовитисот се лекува со мирување и ибупрофен, чија задача не е само да ја елиминира болката, туку има и антиинфламаторно дејство“, објаснува проф. Јованчевиќ.
Ако случајно повторно се јават болки и детето има потешкотии со одењето, време е да посетите ортопед. Имено, постои цела низа на болести кои започнуваат со слични симптоми и не можат да се откријат во првите недели, како што се нарушувања на циркулацијата во зглобната ‘рскавица. Во тој случај се применува поинаква терапија, а третманот е подолг
Лекот се применува една недела, а доколку по прекинот на лекот се уште се присутни тегоби, третманот се продолжува за уште една недела.
„Ова обично е доволно за да исчезнат сите знаци на болеста, но ако случајно повторно се јават болки и детето има потешкотии со одењето, време е да посетите ортопед. Имено, постои цела низа на болести кои започнуваат со слични симптоми и не можат да се откријат во првите недели, како што се нарушувања на циркулацијата во зглобната ‘рскавица. Во тој случај се применува поинаква терапија, а третманот е подолг“, вели проф. Јованчевиќ.
Професорот истакнува дека треба да се има предвид дека и децата заболуваат од разни ревматски болести на зглобовите, па не треба при поставувањето на дијагнозата да се отфрлаат други можности.
Не е невообичаено на една вироза да се надоврзат уште еден или два патогени или да се приклучи дополнителна бактериска инфекција, а сето тоа ја загрозува општата состојба на детето и неопходна е лекарска помош
„Воспаление на зглобната капсула може да се појави за време или по вирозата. Таа вироза може да биде многу блага и без температура, но и тоа е доволно за да се активира ваков вид на имунолошки одговор. Затоа, често кај поедини родители почетокот на болеста е незабележлив, па тие паничат или се шокирани кога ќе увидат дека детето има потешкотии да стои или да оди. Треба да се каже дека ваквата состојба не може да се спречи ниту да се превенира“, вели проф. Јованчевиќ, заклучувајќи дека како ќе се развие една иста болест кај различни деца зависи од бројни параметри.
„Сепак, кај вирусните заболувања нема други вакви драматични симптоми, освен во случај нешто да се искомплицира. На пример, ако забележите кај дете кое има вирус дека е бледо, нема апетит и има главоболка, или по неколку дена се јави многу висока температура проследена со тресење, би можело да се работи за компликации. Не е невообичаено на една вироза да се надоврзат уште еден или два патогени или да се приклучи дополнителна бактериска инфекција, а сето тоа ја загрозува општата состојба на детето и неопходна е лекарска помош“, заклучува проф. Јованчевиќ. (24 Сата)
