Детето изело некои чудни бобинки од грмушка во парк, од земја ставило во уста отпушок и го изџвакало или ги ставило во уста апчињата на мама или тато. Кои погрешни чекори во тие ситуации треба да се избегнуваат, односно што треба да се направи?
НЕ ДАВАЈТЕ ДА ПИЕ МЛЕКО
Да му се даде на детето да испие млеко е идеја за која се верува дека ќе го ослабе делувањето на отровот. За жал, тоа не е точно. Во најдобар случај, млекото нема да има никаков ефект, но кај отрови кои се растопуваат во масти, млекото може уште повеќе да ја поттикне апсорпцијата на отровот. На детето евентуално може да му дадете да се напие вода.
НЕ ДАВАЈТЕ ДА ПИЕ СОЛЕНА ВОДА
Оваа метода има за цел да предизвика повраќање, за отровот што побрзо излезе од телото. Но, ако солената вода не се исфрли целосно со повраќањето, таквата количина на сол кај малите деца ќе предизвика по живот опасна состојба на труење со сол.
НЕ СТАВАЈТЕ МУ НА ДЕТЕТО ПРСТ ВО ГРЛОТО
Со ваквата реакција сакаме да предизвикаме повраќање. Но, токму течностите со кои децата често знаат да се отрујат, како што се шампони, пени за чистење, ацетон, масла и слично, може при повраќањето да влезат во дишните патишта и доведат до поголеми проблеми со дишењето и гушење.
НЕ ГО ФРЛАЈТЕ ОТРОВНИОТ ПРИМЕРОК
Детето изџвакало непознати бобинки, а вие брзо ги вадите од негобвата уста и ги фрлате. Секако, добро е што сте ги извадиле, но чувајте ги за докторот да процени дали станува збор за отровни или неотровни.
НЕ ЧЕКАЈТЕ СИМПТОМИ
Можеби ќе помислите дека џвакањето отпушок не е ништо страшно и не сакате да кревате паника, туку чекате појава на некои симптоми. Подобро повикајте Брза помош и распрашајте се за настанот, отколку да чекате да се појават симптоми. Тогаш работите може да се изкомплицираат и состојбата да стане поопасна.
