Експерти од Универзитетскиот медицински центар Еразмус во Холандија дошле до математичка формула која идните родители може да ја користат за да утврдат кога да почнат со проширување на семејството, а се зависи од тоа колку деца сакате да имате.
Тие се воделе до фактот дека возраста на жената најмногу влијае на способноста за зачнување, а фертилитетот почнува да опаѓа околу 30. година, додека по 35. се бележи значителен пад. Што се однесува до мажите, кај нив ситуацијата е нешто поинаква, имено, кај нив плодноста опаѓа помеѓу 40 и 45 година.
ЗА ЕДНО ДЕТЕ
За да имате едно дете, жената со зачнување може да почека до 41 година, веи студидјата. Но, истакнува дека на оваа возраст шансите за забременување кај жената се само 50 проценти. Околу 84% од паровите ќе добијат бебе по природен пат во рок од една година, доколку практикуваат секс без заштита во 100 отсто од случаевите (под редовен се смета два до три пати неделно). Најголеми шанси, дури 90 проценти, за брзо да забременат имаат жените на возраст од 32 години, додека оние со 37 имаат 75 процентна можност за зачнување во текот на една година обидување.
ЗА ДВЕ ДЕЦА
Ако сакате две деца, најидеално е да планирате бременост на 27 години, бидејќи тогаш шансите се дури 90% тоа и да го реализирате. На возраст од 34 години процентот се намалува на 75, а на 38 на 50 отсто.
ЗА ТРИ ДЕЦА
Доколку сакате да имате три деца, според оваа студија, треба да почнете со планирање деца на 23 години. Ако ова ви се чини многу рано, не грижете се. Доколку почнете и на 31 година, имате 75 процентна можност да ги реализирате вашите желби. Но, по 35. година, процентот се намалува на 50.
