Вашето бебе плаче, неврозно е, има осип по лицето. Но, не паничете, се тоа е нормално. Имено, пистојат состојби кои се јавуваат во првите неколку недели од животот на бебето и никако не станува збор за болести. Сепак, младите родители тоа најчесто не го знаат и панично помош бараат во педијатриските ординации.
БЕБЕТО ГУБИ НА ТЕЖИНА
Сите бебиња во првите три дена по раѓањето губат 10% од својата тежина. Тоа е нормално, бидејќи бебето повеќе спие, опоравувајќи се од породилната траума и храната тогаш не му приоритет. Затоа, не грижете се, бидејќи новороденчети ќе почне да добива на тежина, уште по првата недела.
СЕ ПОЈАВИЛ СИТЕН ОСИП
Бебешката кожа, главно е мека и нежна, но не и чиста. На лицето често се случува ерупација од акни во првите денови од животот, а виновник е мајчиниот естроген кој се уште е присутен во бебешкиот организам. Кога тој ќе исчезне, акните ќе поминат.
БЕБЕТО БЉУЦКА
Тоа се случува бидејќи мускулите на дигестивниот тракт не се доволно јаки и дозволуваат храната да се врати во уста. Заземете удобна положба при доењето и почекајте бебето по оброкот да подригне. Така ќе има помалку бљуцкање.
КАШЛА И КИВА
Бебињата кашлаат и киваат од иста причина како и возрасните, за да ги прочистат дишните патишта или да исфралт нешто што ги иритира, како секрет. Значи, ако бебето во текот на денот два пати кивнало, не значи дека е болно.
