Дисциплината е важен дел од развојот на секое дете и тешко е да се одрекува нејзината важност. Сепак, децата постојано ги испитуваат границите на своите родители. Кога е во прашање дисциплината на децата, нема брзо поправање, ниту магични зборови. Овие се најчестите несвесни грешки кои сите родители мораат да ги прекинат, оти тоа не ја прави ситуацијата подобра.
ВИКАЊЕ – Вашето викање нема никаков ефект на однесувањето, освен што го подучува детето дека е во ред и тоа да го прави тоа.
ЗАКАНИ ВО ПРАЗНО – Ако вашето дете знае дека нема да го казните, нема сериозно да ве сфати.
СПОРЕДУВАЊЕ – Кога ќе кажете: “Зошто не можеш да бидеш како сестра ти?“, имплицирате дека детето не е добро какво што е.
НЕПОСТАВУВАЊЕ ПРАВИЛА – Не е фер да се казни детето ако игра топка дома, ако не сте му кажале дека тоа е забрането.
ДИСКУСИЈА ЗА ПОСЛЕДИЦИТЕ – Вашите методи за дисциплина, не се за дискусија со детето, ниту за преговарање, додека не стекнете мост на доверба со детето.
ПОДМИТУВАЊЕ – Да, тоа може да даде ефект само првиот пат, оти детето ќе очекува награда секој пат кога повторно ќе побарате да ве послуша.
ВЕТУВАЊА – Кога нешто ќе му ветите на детето, потрудете се и да го исполните. Доколку се случи, да не сте во можност тоа да го исполните токму сега, морате да му објасните на детето искрено зошто не сте во можност. На тој начин градите чесен и искрен однос со детето, и ја подигате свеста дека постојат и околности кои може да влијаат на исполнувањето на ветувањата, и дека тоа е сосема во ред.
Факт е дека воспитувањето на дисциплинирани деца не е лесно. И покрај вашите најдобри напори, секогаш ќе има добри и лоши денови. Ако во горенаведените постапки се пронашле сличност со начинот на кој вие ги воспитувате децата, не чувствувајте вина. Никогаш не е доцна нешто да промените. Имате можност за избор и единствена грешка во воспитувањето на децата е онаа која нема да ја исправите.
