Само што ќе се опорави детето, неколку недели ќе биде добро, а потоа се од почеток – некој нов вирус, пак кај педијатар, па терапија, а некои деца дури и ќе завршат во болница.
Постојат огромен број – над 200 типови на вируси кои ги напаѓаат дишните органи на децата! За жал, меѓу тие вируси нема вкрстен имунитет. Тоа значи деја детето може да добие вирус тио 12, па 8, па 101 и така се до пролет. Иако се работи за различни типови на вируси, тие имаат исти или слични симптоми, па на родителите им се чини дека детето постојано е болно од истиот вирус, а всушност се работи за сериска инфекција. За среќа, кај поголем број деца се работи за безопасни настинки, кои многу ретко предизвикуваат компликации. Слевањето на секрет од носот во грлото предизвикува кашлица, но повеќето деца сепак немаат проблеми со бронхиите и белите дробови.
Како тоа настинката да е вирусна инфекција, зар не настанува од провев?
Настинката е вирусна инфекција!
Постојат бројни групи респираторни вируси кои предизвикуваат настинка (така се викаат – вирусни настинки), и се многу распространети. Тие ги напаѓаат горните дишни патишта – пред се носот, па затоа децата киваат, им тече носот и кашлаат. Провевот не предизвикува настинка, но студениот воздух е погоден за ширење на овие вируси, па затоа овие инфекции главно се случуваат во текот на есен или зима, особено кога доаѓа до нагли временски промени. Лесно се шират по пат на кашлање и кивање, но и директен контакт со болно дете. Затоа голем број деца, но и возрасни, имаат настинка во периодот на овие неколку денови и недели.
Како времето влијае на инфекциите?
Наглите временски промени се погодни за различни микроорганизми. Топлите есенски денови им годат на вирусите кои предизвикуваат инфекции на органите за варење кои се проследени со повраќање и пролив, а студените денови главно ги сакаат вирусите кои ги напаѓаат дишните органи. Но, има и бактерии на кои им годи “топло-ладно“, па тоа дополнително ја комплицира ситуацијата. Од друга страна треба да се знае дека и децата се метеоропати.
