Бебињата доаѓаат во различни облици и големини. Во повеќето случаи, бебешката маснотија околу обравчињата или дебелките ноџиња на вашето малечко е нормална и совршено здрава. Новороденчињата имаат складирани масти под кожата бидејќи им е потребна брза енергија во одредени моменти. Сепак, тоа може да биде причина за загриженост ако масата на масти е преголема. Едно истражување објавено во списанието „Pediatrics“ покажало дека новороденче со преголема маса на масти веројатно ќе биде со прекумерна тежина или обезно помеѓу две и шестгодишна возраст. Ова е веројатно едно од ретките истражувања што воспоставува врска помеѓу висока родилна тежина или неонатално депонирање на масти и обезност во детството на подоцнежна возраст.
Која е идеална родилна тежина?
Според неонатолозите, здравата родилна тежина на бебето треба да биде приближно 3.2 кг. Додека 4 кг се смета за висока родилна тежина, 2.5 кг се признава како ниска. Родилна тежина од 1.5 кг се смета за многу ниска, според експертите. Нормално е бебето да порасне во тежина 150 г-200 г во секоја недела во првите шест месеци, додека нормалната неделна бројка е 80 г до 150 г во следните шест месеци.
Гестацискиот дијабетес е главниот виновник за тешки бебиња. Главниот нутриент што влијае на растот на бебето е шеќерот. Поради тоа, жените со висок шеќер во крвта за време на бременоста имаат поголема веројатност да родат бебиња со висока родилна тежина
Стапката на раст на вашето бебе ќе биде највисока во првата година од животот. Неговата родилна тежина може да се дуплира во првите шест месеци и да се триплира до крајот на првата година. Вашето бебе ќе има потреба од високомасна исхрана за да ја поддржи оваа брза фаза на раст. Сепак, стапката на раст може да варира. Затоа, не грижете се премногу за тоа колку расте вашето малечко секоја недела или месец. Следењето на целокупното темпо на растење е доволно.
Што се случува ако вашето новороденче е премногу тешко или големо?
Доколку бебето е премногу големо во утробата, неговите раменици може да бидат под притисок од карличните коски на мајката. Ова може да резултира со оштетување на нервите во вратот, па дури и со скршеници на клучната коска или рацете. Други компликации вклучуваат потешкотии со дишењето, задебелување на мускулите на срцето па дури и оштетување на мозокот. Претерано тешко бебе исто така е поранливо на жолтица при раѓањето.
Што предизвикува висока родилна тежина?
Гестацискиот дијабетес е главниот виновник за тешки бебиња. Главниот нутриент што влијае на растот на бебето е шеќерот. Поради тоа, жените со висок шеќер во крвта за време на бременоста имаат поголема веројатност да родат бебиња со висока родилна тежина.
Како да му помогнете на вашето новороденче да одржи здрава тежина
Ако зголемувањето на тежината на вашето бебе станува причина за загриженост, првиот чекор што треба да го направите е да се консултирате со вашиот педијатар. Исто така, постојат неколку чекори што можете да ги преземете за да осигурите дека нема да биде со прекумерна тежина.
- Не прејадувајте го вашето бебе. Осигурајте се дека го доите само толку колку што бара вашето бебе. Исто така, избегнувајте доење во времетраење подолго од 45 минути.
- Како што расте вашето малечко, фокусирајте се повеќе на играта со него. Поттикнувајте го движењето уште од раната фаза на неговиот живот. Ова ќе помогне да води активен живот и да одржи здрава телесна тежина.
- Кога ќе почнете да му воведувате цврста храна на вашето бебе, држете се подалеку од храна со висок шеќер. Исто така, избегнувајте храна со празни калории. Давајте му меки овошја, исечени на мали парчиња, како и ситно сечкан зеленчук што е сварен. (The Health Site)
