Зголемената телесна температура обично се јавува како одговор на телото на инфекција, кога имуниот систем се бори против бактерии или вируси. Ова се некои од најчестите причини за зголемена температура:
- Настинка и грип
- Инфекција на уво
- Воспаление на синуси
- Бронхитис
- Воспаление на бели дробови
- Кожни инфекции
- Воспаление на мочниот меур или уринарниот тракт
- Воспаление на слепо црево
- Лупус
- Воспалителни состојби во цревата
- Карцином, особено лимфом и леукемија
Кај доенчињата, избивањето на заби и понекогаш вакцинацијата може да предизвикаат зголемена температура во период од 2-3 дена.
КОГА ДА СЕ ПОБАРА ЛЕКАРСКА ПОМОШ
На лекар обратете се во случаи кога вие или вашето дете се пронаоѓате во еден од овие слуачи:
- Вашето дете е доенче не постаро од три месеци, а температурата мерена ректално надминува 38 степени.
- Вашето дете е на возраст од 3 до 12 месеци, а температурата мерена орално надминува 39 степени.
- Вашето дете е старо две години или помалку, а високата температура трае непрекинато помеѓу 24 и 48 часа.
- Возрасни сте со температура повисока од 40,5 степени или имате температура повисока од 39 степени која и натаму расте, односно таре подолго од 48 часа.
Исто така, лекарска помош побарајте доколку високата температура е проследена со исип или отоци, отежнато дишење или ако детето чувствува болка при уринирање. Исто треба да постапите ако детето неодамна примило вакцина или боледува од сериозна хронична болест. Кај педијатар обратете се и ако ви се чини дека детето е растроено, има вкочанет врат или неутешно плаче и покрај вашите обиди да го смирите.
