Во кинеската провинција Хубеи во болницата „Личанг“ се случило вистинско медицинско чудо. Докторите породиле жена, чие име не се открива во јавноста, а кога го виделе бебето, останале шокирани, пренесува британски „Мирор“.
Папочната врвца целосно го обвиткала вратот на новороденчето
Според пишувањата на кинеските медиуми, во моментот на раѓање папочната врвца на бебето била шест пати замотана околу неговото вратче! Во моментот кога виделе за што станува збор, докторите стравувале за здравјето на новороденчето, кое е родено по природен пат, но за среќа, бебето било родено потполно здраво.
„Да се замота папочната врвца околу вратот на детето не е толку ретка појава, но шест пати е навистина чудо“, изјавил еден од лекарите.
„За време на моите 23 години работа во болницата, не сум видел вакво нешто. Ова е вистинско медицинско чудо. Драго ми е што и мајката и бебето се добро“, изјави Ли Хаур, акушер.
Докторите го виделе проблемот со папочната врвца уште кога бебето било се уште во матката, но не знаеле дека до самиот момент на породување таа ќе биде замотана дури шест пати околу неговото вратче“. (Мирор)
