Меѓу постарите деца, некои назадувале во математика, се бореле со писменоста и концентрацијата или ја изгубиле физичката подготвеност, се вели во извештајот. Други покажале знаци на ментално пореметување. Пријавени се повеќе случаи на нарушувања во исхраната и самоповредување
Британската канцеларија Ofsted неодамна објави пет извештаи засновани на податоците добиени од повеќе од 900 посети на воспитувачи и социјални работници низ Англија. Нивното истражување почнало од септември, а резултатите изненадиле многумина.
Имено, се покажало дека некои деца заборавиле како се јаде со нож и виљушка, а други се вратиле во пелени. Сето ова е резултат на пандемијата на коронавирус или заклучувањето што очигледно ги погодува и децата и младите.
Најпогодени деца биле оние во пониските одделенија во основно училиште чии родители биле вработени. Според извештајот, овие деца „доживеале двоен удар“, односно можеле да поминуваат помалку време со своите родители, но и помалку време со другите деца, објасни авторката на истражувањето, Аманда Спилман.
Таа додава дека воспитувачите пријавиле дека некои деца кои повеќе не носеле пелени ја заборавиле вештината на одење во тоалет, додека други „заборавиле некои основни вештини што ги совладале, како што е јадење со нож и вилушка“. Биле забележани и случаи во кои децата заборавиле се што научиле за бројките и буквите.
Меѓу постарите деца, некои назадувале во математика, се бореле со писменоста и концентрацијата или ја изгубиле физичката подготвеност, се вели во извештајот. Други покажале знаци на ментално пореметување. Пријавени се повеќе случаи на нарушувања во исхраната и самоповредување.
Но, како што пренесува „Today“, некои деца добро се снашле во се затоа што поминувале квалитетно време со своите родители и негуватели, истакнала Спилман.
