Со оглед дека миењето раце и правилната хигиена се од исклучителна важност во спречувањето на ширењето на коронавирусот, а освен сапун и вода се користат и средства за дезинфекција, еве што педијатрите велат на што треба да се внимава кај малите деца и кај бебињата.
“Средствата за дезинфекција се препорачуваат во услови на епидемија за дезинфекција на рацете. Со користењето дезинфициенси, се препорачува и почесто и правилно миење на рацете во траење од 40 до 60 секунди. За нежната детска кожа, дезинфициенсите може понекогаш да бидат преагресивни и можат во некои случаи да предизвикаат локална реакција“, објаснува педијатарката Џована Армано.
“Понекогаш, децата по користење на средства за дезинфекција имаат вцрвенета и рапава кожа на рацете. Во тој случај се препорачува мачкање со неутрални креми по миењето, да црвенилото и промената на кожата побрзо помине“, додава таа.
Според неа, на доенчињата не треба рацете да им се чистат со средства за дезинфекција, оти тие може рацете да ги стават во уста или да ги протријат очите и може да дојде до несакана реакција.
Освен тоа, доенчињата треба да се изолираат од инфекцијата што е можно повеќе и да им се одржува вообичаената хигиена и на самото дете и на околината. Доенчето се капе, и му се мијат рацете со средство наменето за нега на детската коѓа“, вели педијатарката и предупредува:
“Значи, при користење на средство за дезинфекција, треба да се внимава да не дојде во контакт со очите и со слузницата, а во случај да дојде треба очите или сната шуплина обилно да се исплакнат со обична вода“.
Трудниците, родилките и мајките на мали бебиња можат повремено да ги дезинфицираат рацете, но по правило потребно е и редовно вообиачено моење на рацете, пред хранење на бебето или општо кога нешто се прави во врска со бебето (преслекување, играње со бебето, галење…).
