Резултати од истражување спроведено на 294 деца на возраст од 6 месеци до 3 години покажало дека приближно секое петто дете кое имало настинка или некоја друга респираторна инфекција предизвикана од вирус, развило воспаление на средното уво, кое може да варира од благо до тешко.
Дијагнозата на акутно воспаление на средно уво се заснова на присуство на симптоми како што се болка во увото и температура, а тапанчето е црвено и испакнато. По спонтана перфорација на ушното тапанче, може да се појави крвава, дури и серосангвинозна и на крајот гнојна отореа, по што болката се смирува.
Кај децата кои развиле воспаление на средното уво, воспалението било благо во 8 проценти од случаите, умерено во 59 проценти од случаите и тешко во 35 проценти од случаите. Кај децата кои имале инфекција на двете уши, инфекцијата била поизразена на едното уво во 54 проценти од случаите.
Општо земено, децата со воспаление на средното уво биле лекувани без антибиотици секогаш кога било можно. Од 28 деца со благо воспаление на средното уво, кај 24 деца дошло до подобрување на состојбата без антибиотици, но кај четири деца состојбата се влошила, а три од нив морале да примаат антибиотици.
Резултатите укажуваат дека голем број деца со благо воспаление на средно уво може да се лекуваат без употреба на антибиотици, заклучуваат научниците.
Извор: The Pediatric Infectious Disease Journal
