Жена од Кина на 67 години родила здраво девојче, со што станала најстарата жена во државата која родила дете за кое тврди дека е зачнато по природен пат. Пензионерката, со презиме Тиан во петокот се породила со царски рез во провинцијата Шандонг, известуваат локалните медиуми.
Лекарите од родилиштето во градот Заозуанг потврдиле дека 67 годишна жена родила во нивната здравствена установа, но не коментираат на кој начин Тиан зачнала, со оглед на тоа дека таа кај болничкиот гинеколог се јавила кога веќе била бремена.
“Детето е подарок од небо за двајцата“, изјавил 68 годишниот сопруг, додавајќи дека девојчето го крстиле Тианчи, што значи подарок од небо.
Ако се повтрди дека Тиан зачнала по природен пат, нејзината бременост ќе се евидентира како светски рекорд.
Според Гинисовата книга на рекорди, најстарата жена која во 1997 година родила природно зачнато дете е Британка, а дете го донела на свет во својата 59. година.
Светскиот рекорд се уште го држи Шпанката Мариа дел Кармен Лара, која со помош на вештачко оплодување во 2006 година родила близнаци на 67 години. Две години подоцна, таа починала од карцином.
