Според податоците од списанието The journal of pediatrics, бебињата во Велика Британија, Канада и Италија се шампиони во оваа “дисциплина“, додека најмалку плачат бебињата во Данска, Германија и во Јапонија.
Истражувачите од британскиот Универзитет Ворвик го анализирале однесувањето на 8.700 бебиња, откривајќи дека во просек плачат околу два часа дневно првите две недели од раѓањето. Врвот е во шестата недела, кога плачењето дневно трае два часа и 15 минути. Некои деца плачат само половина час во текот на денот, додека рекордерите во солзи поминуваат повеќе од пет часа.
“Бебињата веќе во првите недели од животот се разликуваат по тоа колку плачат. Повеќе можеме да дознаеме проучувајќи ги општествата во кои тие помалку плачат, имајќи предвид дали се работи за начинот на кој родителите постапуваат со нив или други фактори кои имаат врска со бременоста и со генетиката“, изјавил водачот на истражувачкиот тим Дитер Вокер.
