Врската помеѓу мајката и бебето се формира уште додека бебето е во стомакот. Што е уште поинтересно – бебето веќе во стомакот знае кои од навиките на мајката најмногу му се допаѓаат. Според една студија, фетусот може да ја почувствува психолошката состојба на мајката. Нероденото бебе добива сигнали низ телото на мајката, така што таа влијае на тоа како бебето се чувствува.
Бременоста е време кога жената чувствува наплив на позитивни емоции и треба максимално да ги искористи. Колку подобро се чувствувате, толку вашето дете ќе биде поздраво и посреќно.
Еве во што се бебињата уживаат кога се во стомакот:
Слатка храна
Бебињата почнуваат да разликуваат вкусови од 13 до 15 недела од бременоста. Амнионската течност има вкус како храната која ја јаде мајката, а бебето ја голта и така се навикнуваат на различни вкусови. Трудничките желби за храна се развиваат во матката. Значи, ако сакате да бидете сигурни дека вашето дете добро ќе јаде во иднина, јадете разновидна храна за време на бременоста. Бебињата особено се наклонети на слатките, бидејќи тоа ги подготвува за доење.
Топла купка
Кога бебињата се доволно големи да бидат притиснати до кожата на мајчиниот стомак, тие може да почувствуваат промена на температурата. Затоа жешката купка им е непријатна, а може да биде и опасна. Но, топлата купка, напротив, бебето го прави мирно и опуштено. Звукот на вода што тече, може да помогне бебето да се опушти. За да биде уште подобро, сипувајте вода над стомакот за бебето да се релаксира.
Чешкање по стомакот
Рецепторите за допир почнуваат да се развиваат околу 8. недела од бременоста, а околу 20. недела бебињата се доволно големи да го почувствуваат допирот и однадвор. Во овој период може да уживаат во чешкање и мазење по стомакот. Ова е одличен начин за поврзување, а дури и таткото може да биде вклучен во процесот. Користете масажни масла или креми и галете го стомакот со нежни движења, додека слушате пријатна музика.
Слушање гласови
Од 25. и 26. недела бебињата почнуваат да одговараат на буката која ја слушаат надвор од матката, а бидејќи вашиот глас му е појасен од било кој друг, тие учат да го препознаваат. Тоа им пружа удобност и сигурност и им сигнализира дека се е во ред. Ефикасен начин да го развиете односот со бебето е да го навикнете на вашиот глас, па затоа читајте му и зборувајте му. Бебињата сакаат да слушаат и останати гласови, особено гласот на таткото, бидејќи полесно разликуваат подлабоки тонови.
Слушање музика
Пренаталната музика има неколку предности. Во случај за мајката, таа го произведува хормонот серотонин и поттикнува ослободување на ендорфинот, кој се пренесува и на бебето. Во случај со бебето, музиката ги стимулира сетилата и го поттикнува развојот на мозокот.
Редовно вежбање
Клуч за избор на вистинската вежба за време на бременоста е следниот: треба да биде безбеден, соодветен и одобрен од страна на лекарите. Кардио вежбата е најдобар вид на активност во овој период. Срцето на бебето исто така, подобро се развива и бебињата се посилни ако нивните мајки редовно вежбаат. Кардиовежбите ја успоруваат срцевата фреквенција, а тоа е добро за бебето.
Периоди за одморање
Вашите периоди за одмор се најдобри моменти за забава! Во време кога вие одморате, бебињата се зафатени, бидејќи ниедна од вашите дневни активности, движења и рутина, не им пружа прилика за толку движења како кога се одморате. Тие тогаш почнуваат да практикуваат акробации и вежбаат нови движења. Тоа не трае долго. Блиску до крајот на бременоста, бебето ќе се движи од 70 до 90 минути дневно, така да режимот на движење ќе добие нови шаблони.
Мајчината насмевка
Ехото покажува дека фетусите почнуваат да се фрлаат горе-доле кога нивните мајки се смеат. Тоа се случува заради контракцијата на мускулите. Хормоните на среќата кои се ослободуваат кога мајката се чувствува убаво, влијае на тоа да и бебето ужива.
