Секогаш кога е во прашање хидрацијата, општи познати препораки за возрасните се осум чаши вода дневно. Не треба ниту да се зборува колку за здравјето и функционирањето на човековиот организам е пресудна хидрацијата, а така е и со детското тело. Но, ако ние возрасните треба д авнесуваме осум чаши вода дневно, колкав е иделаниот внес на течности за децата?
Иако бројките може да варираат, користете го ова како водич за вкупна дневна хидрација на вашето тело, а единствените две течности што им требаат на децата се млеко и обична вода.
- МАЛИ ДЕЦА НА ВОЗРАСТ ОД 12 ДО 24 МЕСЕЦИ: 1 до 4 шолји вода (од 200мл), и 2 до 3 шолји млеко.
- ДЕЦА ОД 2 ДО 5 ГОДИНИ: 1 до 5 шолји вода и 2 до 2 1.2 шолји млеко
Колку млеко треба да испие детето?
Помеѓу првата и втората година, децата треба да пијат 2 до 3 чаши полномасно млеко секој ден. На оваа возраст им се потребни дополнителни масти во исхраната за подобар развој на телото и мозокот. Меѓутоа, ако имате семејна историја на обезност или срцеви заболувања, разговарајте со вашиот педијатар за тоа дали можеби ќе треба да му дадете на вашето дете млеко со намалени маснотии.
На возраст од 2 до 5 години, децата треба да пијат околу 2 до 2,5 шолји млеко дневно, а повеќето треба да се префрлат на млеко со пониска масленост или без маснотии (обезмастено). Покрај здравите масти, млекото обезбедува калциум, протеини, витамини А и Д и цинк.
Малите деца не треба да пијат алтернативно (или растително) млеко, како што се бадемово, оризово или овесно млеко, бидејќи тие обично имаат помалку протеини и калории од кравјото млеко.
Имајте предвид дека може и да претерате. Децата кои пијат многу млеко може да се заситат со течноста и да не јадат доволно црвста храна, со што пропуштаат важни хранливи материи, како што е железото (млекото не содржи железо). Недостатокот на железо може да предизвика проблеми во учењето и во однесувањето, а може да доведе и до анемија (недостаток на црвени крвни клетки).
Колку вода треба да пие детето?
Почнувајќи од првата година, децата треба д апијат околу 1 до 4 шолји вода секој ден. По вториот роденден, децата треба да испијат 1 до 5 шолји вода. Водата е најдобриот избор кога детето е жедно, особено ако треба нешто да испие меѓу оброци. Не само што е подобра за желудникот и забите од соковите и останатите напивки, туку, со пиење се стекнуваат здрави навики за цел живот.
Дали е важно детето да консумира сокови?
На децата на возраст од 1 до 3 години треба да им се ограничи внесот на сокови на најмногу половина шолја дневно, бидејќи сокот е преполн со шеќери, што го зголемува ризикот од кариес, а се внесуваат премногу калории, а малку хранливи материи. Избирајте природни, стопроценти овошни сокови кои може да ги растворате и со малку вода.
