Физичкиот контакт е важен за емоционалниот развој на детето, а природата ги обезбедила сите предиспозиции за инстинктивно да бидеме поприврзани за нашите потомци.
Покрај преубавиот мирис, бебешките звуци, меката кожа, крупните очи, румените образи се причината поради која толку нè привлекуваат. Поради ова се создава подобар контакт помеѓу родителите и децата, а се активираат делови во мајчиниот мозок одговорни за подобра поврзаност со детето
Постои нешто во врска со бебињата што веднаш не привлекува кон нив. Нивните слатки и полни обравчиња, тие невини очиња или бутчиња се само дел од работите што ги прават неодоливо слатки. А потоа, тука е и слаткиот мирис што скоро секогаш го имаат новороденчињата. Ова не тера да ги опсипуваме со наклонетост, прегратки и гушкање.
Сигурни сме дека веќе можете да го замислите тој мирис во вашиот ум дури и додека го читате ова, толку силно е неговото сеќавање (ако сте помирисале новороденче). Сепак, многумина од нас знаат што го создава овој атрактивен мирис кој останува дури и во нашето сеќавање. Но, сега се чини дека науката конечно има некои одговори.
Авторите на истражувањето објавено во швајцарското списание „Frontiers in Psychology“ тврдат дека мирисот на новороденчето е толку моќен што може да предизвика силно чувство на задоволство во мозокот на возрасните, што е слично на она што се случува кај зависниците од психоактивни супстанции.
Но, оваа карактеристика на мирисот на новороденчето исчезнува шест недели по неговото раѓање. Иако точниот молекуларен состав на овој мирис е непознат, научниците се сомневаат дека тој, меѓу другото, доаѓа и од молекулите кои се наоѓаат во плодовата вода, супстанца која ја штити кожата на фетусот за време на бременоста.
Иако акушерките темелно го капат бебето веднаш по раѓањето, трагите од молекули остануваат шест недели на кожата на бебето, а особено на косата. Овој мирис силно влијае на возрасните, а меѓу нив предизвикува чувство на неизмерна среќа и задоволство.
Тоа го потврдија резултатите од експериментот во кој учествувале 30 жени. Од нив било побарано да ги помирисаат ќебенцата на новородените бебиња, а со прецизните уреди кои биле приклучени во тој момент, сите без исклучок покажале значително зголемена активност во деловите од мозокот одговорни за создавање чувство на задоволство.
Покрај преубавиот мирис, бебешките звуци, меката кожа, крупните очи, румените образи се причината поради која толку нè привлекуваат. Поради ова се создава подобар контакт помеѓу родителите и децата, а се активираат делови во мајчиниот мозок одговорни за подобра поврзаност со детето.
