Нема родител кој не сака неговото дете да доживува само позитивни искуства, да го заштити од тага, негативни емосии, препреки на патот. Се со цел да стане успешен и среќен човек.
Експерите за развој на децата велат дека постојат одредени знаци кои може да ви покажат дека сте на вистинскиот пат во воспитувањето на вашето дете. Проверете!
Секој од нас има денови кога мисли дека се е насочено против него. Има милиони обврски, во домот, на работното место, а децата го бараат потребното внимание. Но, никако и во тие денови, кога сметате дека не сте доволно присутни за нив, не заборавајте дека сепак сте добар родител.
Секако дека задачата на родителите е да постават здрави граници и зборот „не“ да е твое секојдневие, но да се биде добар родител значи и да се изложат децата на богатство на живот, дозволувајќи им да учествуваат во различни процеси.
- Им дозволувате да се извалкаат
Кал, боја или храна – ако вашите деца се извалкани со некоја од овие работи, браво за вас! Чевлите ќе се исушат, калта и нечистотијата ќе се испере, но она што нема да исчезне се прекрасните нешта што ќе произлезат од тоа. Секој пат кога ќе му дозволите на детето да го истражува дворот, паркот, да копа во земја и да ги проучува растенијата, неговиот имунитет се јакне. Научните истражувања дури покажуваат дека дури и сме повесели кога ќе се извалкаме. Исто така, неуредните искуства ги развиваат нашите сетила – затоа децата кога одат во парк сакаат да пробаат и песок и со желба ги стават босите нозе во кал. Така се чувствуваат одлично!
- Одново и одново им ја читате омилената книга
Кога родителот ќе ги слушне зборовите “Читај ми одново!“, со воздишка што детето не ја слуша, ќе ја сврти првата страница и ќе почне да ја чита омилената приказна пред спиење. И повторно. И повторно. Читањето му овозможува на детето да го развива мозокот, но и имагинација. Заедничко искуство што ќе му помогне на детето да развие јазични вештини, но исто така ќе му даде чувство за светот околу него. Читањето заедно ќе го зајакне чувството на сигурност и блискост помеѓу тебе и децата.
- Играте со нив како да сте дете
Се спуштате на ниво на вашето дете, го гушкате и играте разни игри на под. Освен што е одлично за трошење енергија, градењето близок однос, така му покажуваш на детето како може да се заштити; добро е и за тестирање на неговите фиизчки граници.
- Ризикот е составен дел од нивниот живот
Додека голем број мајки инстиктивно се грижат за тоа дали детето ќе падне и ќе се повреди, дозволувањето на детето да ризикува, ќе му помогне да порасне во самоуверена личност. Качувањето на дрво и камења, лутање по реки и потоци, скокање во море и општо многу скокање, му помага на детето за развој на мозокот.
Преземањето ризици им помага на децата да научат да решаваат проблеми, да ги тестираат своите ментални и физички капацитети, да научат што е тимска работа, да користат здрав разум и да научат да донесуваат одлуки, а потоа да разберат какви се последиците од тие одлуки.
