Самодовербата им помага на децата полесно да се изборат со нивните училишни активности, но и да создадат важни пријателства со нивните врсници. Со доаѓањето на раната адолесценција, со високо ниво на самодоверба, децата полесно ги решаваат проблемите, создаваат цврсти односи со другите, во состојба се да се спротивстават на лошите тенденции во опкружување и да мислат со своја глава. Самоуверените деца растат во амбициозни лица, кои се подготвени за сите предизвици што ги очекуваат во светот надвор од родителскиот дом.
Од овие причини важно е рано да се почне со работа на подигање на самодовербата на детето. Во наредните редови ќе ви откриеме пет корисни методи кои ќе ви помогнат да од вашето дете направите самоуверена личност.
- Бидете им добар пример
Децата се угледуваат на своите родители, па затоа е важно на свој пример да им покажете како да се однесуваат. Бидете самоуверени во комуникацијата со другите луѓе, не се кријте од обврските и новите предизвици и покажете издржливост и мотивација кога работите не ви одат од рака. Вашите деца со набљудување ќе ги интернализираат овие доблести и големи се шансите тие да бидат самоуверени како и вие.
- Постојано работете на подигање на самодовербата кај детето
Пофалете го кога ќе заслужи, а кога нема, гледајте целосно да не му го скршите духот со вашите забелешки. Помогнете му да ги надмине неговите проблеми и да излече лекции од своите неуспеси. Ставете му до знаење дека е вредна личност и нема причина да се чувствува несигурно пред другите.
- Прилагодете се на темпераментот на вашето дете
Сите луѓе се различни, па така и децата. Некои методи за подигање на самодовербата се ефикасни кај некои деца, додека кај други се бескорисни. Од таа причина е особено важно да се прилагодите на темпераментот на вашето дете и не бидете, на пример, премногу строги ако тоа е чувствително, ниту пак премногу млаки, ако тоа лесно се носи со критики.
- Обрнете внимание на вашата комуникација
Никогаш не му велете на детето дека се однесува како бебе, дека е пречувствителни и дека конечно треба да се опамети. Тоа се негативни пораки кои оставаат лузни и во се во совеста на луѓето и кога ќе пораснат. Тие ги засрамуваат децата и воопшто не им помагаат на вистински начин да се доживеат себеси и гордо да чекорат низ животот.
- Ставете им до знаење на децата дека е поважно што мислат за себе, отколку што другите мислат за нив
Така ќе ги научите да бидат независни и да се гордеат со своите достигнувања, без оглед дали добиле пофалби или не.
