Раѓањето на дете е прекрасно и возбудливо искуство. Во првите неколку месеци на детето му е потребна посебна грижа и внимание, а мајката е на породилно отсуство. Кога ќе поминат девет месеци, потребно е да се вратите на работа и да ги усогласите сите обврски. За да го направите враќањето полесно, кое честопати може да биде и трауматично, еве неколку совети.
Направете распоред дома
Цврстиот распоред и предвидлива рутина ќе ја олесни половина од работата. Пред да се вратите на работа, напишете распоред на обврските и обидете се да го следите. Направете распоред за хранење, спиење и игра за да му обезбедите на вашето дете чувство на стабилност и сигурност.
Очекувања од лицето кое ќе го чува детето
Да се остави детето на грижа на друг не е лесна работа. Заедно обезбедете му блага транзиција. Секогаш имајте резервен план во случај да треба да ангажирате некој друг да се грижи за вашето дете додека сте на работа.
Поразговарајте со претпоставените
Поразговарајте со претпоставените за вашата состојба и очекувањата по враќањето на работа. Разговарајте за одговорностите и обврските, особено во текот на првата работна недела, за враќањето да не ви биде шок.
Организирајте интерни состаноци
Откако ќе се вратите на работа, информирајте ги вашите колеги за вашето враќање и запознајте се со ситуацијата во канцеларијата. Обидете се да надополните сè што сте пропуштиле за побрзо да се вратите „во игра“.
Цврстиот распоред и предвидлива рутина ќе ја олесни половина од работата. Пред да се вратите на работа, напишете распоред на обврските и обидете се да го следите. Направете распоред за хранење, спиење и игра за да му обезбедите на вашето дете чувство на стабилност и сигурност
Испланирајте ја вашата работна недела
Секој ден направете распоред за следниот ден за да избегнете преоптоварување. Некое време обидете се да избегнувате големи проекти за да не правите повеќе работи одеднаш. Запомнете дека е потребно време да ги зграпчите сите конци во рака и подготвено да се вратите на рутината. Ако е можно, вратете се на работа во средината на неделата за да имате неколку дена да се прилагодите пред да се вратите во полна работна недела.
Проверувајте го лицето кое го чува детето
Ако сте загрижени за вашето дете, јавете се и проверете дали е се во ред. Во спротивно, ќе станете крајно немирни што ќе влијае на вашата продуктивност. Покрај тоа, можете да поставите камери внатре во домот за да можете да видите што прави вашето дете во секој момент. Во овој случај, потребно е да се извести дадилката дека камерите се инсталирани во просториите.
Разговарајте со вашите соработници
Во првите неколку дена ќе ви биде тешко да се фокусирате на работата. Ако чувствувате дека ви недостасува концентрација, поразговарајте со вашите колеги и обидете се да се опуштите. Колегите можат да ве упатат на што да обрнете внимание и да ви го вратат фокусот на битните работи.
