Истражувањата покажале дека жените кои се одлучиле за нова бременост помалку од 18 месеци по породувањето, имаат поголеми шанси за предвремено породување.
ОСТАНАТИ РИЗИЦИ ОД ПОМАЛ ПЕРИОД ПОМЕЃУ БРЕМЕНОСТИТЕ
Стручњаците сметаат дека нова бременост во растојание од шест месеци по последното породување е поврана со зголемен ризик од:
- Прерано одвојување на постелката
- Мала родилна тежина
- Природени пореметувања
- Шизофренија
- Аутизам (ако разликата е помала од 12 месеци)
Помалиот временски период помеѓу бременостите е поврзан и со мала родилна тежина, но и зголемен ризик од компликации како прерано одвојување на постелката и плацента превија кај жените кои првото дете го родиле со царски рез. Исто така, зачнувањето што ќе се случи пред помалку од 12 месеци по породувањето, е поврзано и со поголем ризик од аутизам кај второто дете.
Стручњаците тврдат дека малото растојание помеѓу бремености не му дава на телото доволно време за опоравување од претходнаа бременост и породување.
Постојат ли ризици поврзани со големо временско растојание помеѓу бременостите?
Од друга страна, големото растојание помеѓу бремености, како оној од пет години и повеќе, исто така е поврзан со предвремено породување и мала родилна ежина. Некои стручњаци сметаат дека големиот период помеѓу бременостите е поврзан и со зголемен ризик од висок крвен притисок и знаци на оштетување на друг органски систем, најчесто бубрезите – прееклампсија.
Сепак, не е точно јасно зошто големиот периоди помеѓу бременостите предизвикуваат здравствени проблеми. Можно е со тек на времето на исчезнат корисни физиолошки промени кои ги носи бременоста, а неодредени фактори како што се болести на мајката, исто така играат улога.
Кој е најдобар, односно најздрав временски период помеѓу две бремености?
За да се намали ризикот од компликации во бременоста и други здравствени проблеми, стручњаците советуваат дека најбезбедно е да се почекаат 18 до 24 мсеци по последното породување, но сепак помалку од пет години. Овие ризици и препораки не се применуваат кај парови кои имале спонатн абортус.
