Ако вашата мајка е прва на вашата листа за брзо бирање на вашиот мобилен телефон, науката ја објаснува причината: врската мајка-ќерка е најсилна од сите врски родител-дете, според студијата објавена во „Journal of Neuroscience“.
Според една студија од 2016 година на 35 семејства, делот од мозокот кој ги регулира емоциите е посличен помеѓу мајките и ќерките отколку кој било друг меѓугенерациски пар. Врз основа на наодите, хемијата на мозокот е важна за толку силната врска помеѓу мајката и ќерката, пренесува „Motherly“.
Врските помеѓу мајката и синот, таткото и ќерката или таткото и синот можат да се изградат на цврсти темели на љубовта, но тие не се толку силно хемиски поврзани, во делот од мозокот кој ги обработува емоциите и емпатијата. Ова значи дека мајката сосема извесно ќе ја разбере вашата гледна точка кога се соочувате со одреден проблем, бидејќи таа може да се замисли себеси во вашите чевли.
Студијата исто така има и потенцијално корисни информации кога станува збор за нашето разбирање на состојбите со менталното здравје. Водечкиот автор, Фумико Хоефт, вонреден професор по психијатрија на Универзитетот во Калифорнија, објасни дека испитуваниот кортико-лимбички систем е силно поврзан со депресијата. Затоа, менталното здравје на мајката може да послужи како предиктор за менталното здравје на ќерката, а со оглед на тоа дека има добри резултати за превентивно лекување на депресијата, ова знаење за семејната историја може да биде многу корисно.
Врските помеѓу мајката и синот, таткото и ќерката или таткото и синот можат да се изградат на цврсти темели на љубовта, но тие не се толку силно хемиски поврзани, во делот од мозокот кој ги обработува емоциите и емпатијата
Бидејќи студијата била прва што употребила меѓугенерациска магнетна резонанца за да ги спореди мозочните структури, Хоефт се надева дека понатамошните истражувања ќе можат да ги истражат асоцијациите со други состојби на ментално здравје на начини кои би можеле да бидат од корист за сите членови на семејството.
И други студии ја истражувале длабоката врска помеѓу мајките и ќерките. Една неодамнешна студија покажала дека мајките ги фаворизираат ќерките, а татковците ги фаворизираат синовите, поради заедничките искуства.
Друга студија исто така потврдува дека поврзаноста на мајката и ќерката останува посилна од останатите видови меѓугенерациски семејни односи во текот на сите промени во животот.
