Првата година од родителството е интензивна во секоја смисла, а мајките и татковците имаат многу одговорности околу бебето во овие први 12 месеци.
Резултатот од ова, покажува истражување, е дека во текот на првата година од животот на бебето, родителите трошат 5.238 влажни марамчиња и 3.365 пелени, а во просек спијат само четири часа во текот на ноќта.
Истражувањето во кое учествувале 1.000 родители кои во претходните десет години добиле дете, покажало и дека новите родители во првата година прават дури 6.689 фотографии од своето малечко, што е малку повеќе од 18 на ден.
Тие исто така добиваат 13 подароци од семејството и колегите, како и најмалку осум несакани совети.
Се покажало и дека дека 71 процент од родителите се изненадени од тоа колку работи им се потребни на новороденчињата – и навистина, од пелени, до облека, до памучни дискови и влошки за гради, родителите имаат толку многу да подготват.
Добрата вест е дека 75 проценти од родителите биле подготвени за доаѓањето на бебето, а трите најважни работи без кои не можеле да се снајдат биле пелени (80 проценти), влажни марамчиња (80 проценти) и цуцла (38 проценти).
Сепак, дека првите месеци со бебе не се лесни, потврдува и тоа што 71 процент од родителите признале дека првите месеци од родителството им се „во магла“. Секако, подготовката на сè што мислите дека ќе ви треба ќе ги направи тие месеци полесни и помалку стресни.
