Родителите, пред да дојде бебето на свет, се опседнати со креветчиња, колевки и други работи што ќе им бидат потребни за спиење на бебето. Потоа се враќате со детето од болница и завршувате со плус едно мало човече во креветот. Од некоја причина, кога бебето спие со вас во кревет, убаво спие и нема дополнителни будења. Ако сте се запрашале: “Зошто бебето подобро спие со мене во кревет?“, треба да знаете дека постои добро објаснување за тоа, науката се објаснила.
Според д-р Џејмс Мекена, бебињата подобро спијат кога се во ист кревет со мајката од една едноставна причина: ним тоа биолошки им е потребно.
“Невролошката реакција на мирисите на мајката, движењата и допири, комплетно го намалуваат плачењето и позитивно го регулираат дишењето, телесната температура, апсорпцијата на калории, нивото на хормонот на стрес и протокот на кислород“, објаснува д-р Мекена.
Сето ова потсетува на она што го велат научниците за позитивните ефекти од контактот “кожа со кожа“, особено кога станува збор за регулирање на нивото на кислород и телесната температура. Д-р Мекена силно се залага за заедничко спиење, но спиењето мора да биде безбедно за да се избегне гушење и да се избегнат други опасности.
Д-р Сирс, уште еден поборник за делење на креветот со бебето, верува дека оваа пракса им помага на бебињата подобро да спијат бидејќи се чувствуваат заштитени и безбедни во текот на ноќта.
“Спиењето на градите на мама, тато или на нивните раце е здрав однос кон спиењето. Детето учи дека одењето на спиење е удобна состојба (што е една од целите за родителите)“, нагласува д-р Сирс.
Но, д-р Мекена и д-р Сирс не припаѓаат во мнозинството, многу експерти сметаат дека заедничкото спиење не е добро, но и предупредуваат на опасности. Според Националниот институт за здравје на детето на САД, синдромот на ненадејна смрт на доенчиња зема повеќе од 3.500 бебиња секоја година и покрај сите предупредувања за безбедноста.
Насоките предупредуваат дека детето никогаш не треба да спие на тросед, двосед, софа или фотелја, а препораките се бебето да има свој простор во собата. Тие предупредуваат дека бебето треба да се стави во заеднички кревет само кога се храни или теши, а потоа да се врати во креветчето.
Американското здружение на педијатри има препораки за безбедно спиење на децата и намалување на ризикот од ненадејна смрт (СИДС):
- Бебето секогаш треба да спие на грб без разлика дали тоа било дневно или ноќно спиење (не грижете се ако вашето дете е доволно големо и само се врти на стомак за време на спиењето).
- Доенчињата треба да спијат на цврста и рамна површина во креветче или колевка што ги исполнува сите безбедносни услови.
- Никогаш не го ставајте дете да спие на кауч, софа или фотелја.
- Од креветчето отстранете ги сите меки предмети, вклучувајќи играчки, перници и навлаки.
- Најбезбедно место за спиење е колевка или креветче сместено во истата просторија во која вие спиете.
