ЗА ПРВ ПАТ: Снимен моментот кога коронавирусот напаѓа здрава клетка

Бразилските научници први го „уловија“ Ковид-19 со помош на микроскоп кој може да ги зголемува предметите и до два милиони пати

  • Истражувачите во Бразил користеле моќен електронски микроскоп за да ги направат сликите
  • Првата слика го покажува вирусот непосредно пред да ја нападне здравата клетка
  • Сликите се дел од студијата која истражува како вирусот се шири и реплицира

♦♦♦♦♦♦♦

Моментот кога вирусот КОВИД-19 заразува здрава клетка е „фатен“ во серија на имиџи од тим на бразилски истражувачи кои користат моќен електронски микроскоп.

Експертите од фондацијата „Освалдо Круз“ во Бразил ги снимија неверојатните слики додека ги проучуваа начините на кои се реплицира и шири коронавирусот.

Во серија на слики, може да се види како честичките на смртоносниот вирус се обидуваат да влезат во клетката па се до моментот кога се веќе внатре

Истражувачите користеле алатка која им овозможува да ги зголемат предметите до два милиони пати повеќе од нивната нормална големина, дозволувајќи им да влезат длабоко во клетката и да го видат вирусот.

Црните точки (коронавирусот) може да се видат како се на пат да навлезат во клеточната мембрана – првиот дел од процесот на инфекција
На втората слика – зумирана многу повеќе од првата – можете да го видите вирусот како влегува во клеточното јадро – каде што се чува генетскиот материјал
На третата слика, вирусните честички – што се гледаат како црни точки – веќе ја заразиле цитоплазмата на клетката. Во овој момент коронавирусот е веќе раширен и ја заразил клетката

Бразилските истражувачи изјавија дека клетките користени во студијата потекнуваат од африканскиот зелен мајмун, а не од луѓето.

Клеточните култури од африканскиот зелен мајмун, вид примат што се наоѓа во Судан и Етиопија, често се користат во лабораториски тестови, велат тие.

  • Темните дамки на сликите што ги снимија истражувачите го прикажуваат вирусот SARS-COV-2

Најважната слика од трите направени од истражувачите во Бразил го покажува моментот кога COVID-19 започнува да навлегува во самата клетка.

На една од сликите можете да видите неколку честички на вирусот што се обидуваат да ја заразат цитоплазмата на клетката, местото каде што се чува генетскиот материјал.

Веќе на наредната слика, вирусните честички ја имаат заразено клетката и тоа е моментот кога кај човекот би се рекло дека го „фатил“ вирусот.

ПОВРЗАНИ НАПИСИПОВЕЌЕ ОД АВТОРОТ