Вирусот што може да остави целосно парализирани некои бебиња е во пораст во Велика Британија и во Европа, предупредуваат експертите.
Кај повеќето луѓе, ентеровирус-11 обично предизвикува блага болест слична на настинка која трае околу една недела.
Сепак, новороденчињата се изложени на поголем ризик од тешки компликации, па дури и смрт поради нивниот незрел имунолошки систем. Кај бебињата, вирусот може да предизвика сепса и тешки невролошки нарушувања како што се менингитис, енцефалитис и парализа.
Овој месец, Светската здравствена организација (СЗО) потврди дека најмалку 26 доенчиња во Хрватска, Франција, Италија, Шпанија, Шведска и Велика Британија биле заразени од 2022 година.
Тоа е повеќе отколку што би се очекувало, рече портпаролот на СЗО.
„Се смета за невообичаено поради екстремно брзото влошување и поврзаната стапка на смртност кај засегнатите бебиња“, изјави портпаролот за NBC news.
Кај бебињата, вирусот може да предизвика сепса и тешки невролошки нарушувања како што се менингитис, енцефалитис и парализа
И додека некои од 26-те случаи се откриени во 2022 година, повеќето се пријавени од крајот на пролетта 2023 година.
Осум од тие бебиња починале, по откажување на органите и сепса, а повеќето смртни случаи се пријавени во Франција. Во март 2023 година, на близнаци од Велика Британија им била дијагностицирана оваа состојба, откако страдале од брзо откажување на органите – и двајцата подоцна починале.
„Повеќето ентеровируси предизвикуваат многу блага болест кај децата што ги заразуваат“, рече д-р Мајк Рајан, извршен директор на програмата за итни случаи на Светската здравствена организација.
„Но, во мал дел, гледаме многу позначајна, катастрофална болест.“
„Бубачката“ обично се шири преку фекална материја бидејќи живее во дигестивниот систем.
Тоа доаѓа бидејќи случаите на слична „бубачка“, ентеровирус Д68, беа во пораст минатата година. Слично како ентеровирусот-11, ентеровирусот Д68, исто така може да доведе до парализа слична на полио, но кај малите деца – не само кај бебињата. Неколку деца во САД починаа откако развиле невролошка болест, пишува британски „Сан“.
СИМПТОМИ НА ЕНТЕРОВИРУС
Симптомите на блага болест може да вклучуваат:
- треска,
- течење на носот, кивање, кашлица,
- осип на кожата,
- меурчиња во устата,
- болки во телото и мускулите.
Симптомите на посериозна болест вклучуваат:
- вирусен конјунктивитис,
- болест на рацете, стапалата и устата,
- вирусен менингитис (инфекција на обвивката на ‘рбетниот мозок и/или мозокот),
- вирусен енцефалитис (инфекција на мозокот),
- миокардитис (инфекција на срцето),
- перикардитис (инфекција на перикардот околу срцето),
- акутна флакцидна парализа (ненадеен почеток на слабост во една или двете раце или нозе),
- воспалителна мускулна болест (бавна, прогресивна мускулна слабост).
