Новото истражување се однесува на заблудата дека децата се помалку подложни на инфекција со новиот коронавирус. Според неодамнешниот извештај во „JAMA Pediatrics“, децата и возрасните имаат слични ризици да се заразат со SARS-CoV-2, но многу поголем дел од заразените деца не покажуваат симптоми на Ковид-19. Кога еден член на домаќинството е заразен, има 52% шанси да го пренесе на барем уште едно лице со кое живее.
Резултатите од оваа студија нагласуваат дека многу инфекции кај децата остануваат неоткриени
Резултатите се засноваат на студијата Coronavirus Household Evaluation and Respiratory Testing (C-HEaRT), предводена од Американскиот центар за контрола и превенција на болести (ЦДЦ) во соработка со истражувачите од Универзитетот во Јута, Универзитетот Колумбија, Маршфилд виролошка лабораторија и Abt Associates.
Резултатите ја нагласуваат потребата за надзорно тестирање за Ковид-19 и децата да продолжат со мерките за безбедност за да ги заштитат луѓето околу нив.
„Често, се чинеше дека децата не се болни бидејќи немаа никакви симптоми“, вели д-р Кристина Поручник, професор по јавно здравје на Универзитетот во Јута, која водеше истрага за 189 семејства во Јута. „Но, некои всушност беа заразени и сепак можеа да шират Ковид-19“.
Кога еден член на домаќинството е заразен, има 52% шанси да го пренесе на барем уште едно лице со кое живее
На почетокот на пандемијата, извештаите покажаа дека децата сочинуваат малцинство на случаи на Ковид-19. Сепак, опсервациите не беа во можност да направат разлика помеѓу две сценарија. Едно од нив беше дека децата се помалку подложни на инфекции. Другото беше дека пријавените стапки на случаи кај децата беа вештачки ниски бидејќи децата не покажуваа симптоми и затоа не беа тестирани.
За подобро разбирање на динамиката на инфекцијата, студијата C-HEaRT следеше 310 домаќинства со едно или повеќе деца на возраст од 0 до 17 години во Јута и Њујорк. Повеќе од 1.236 учесници во студијата доставувале примероци за неделно молекуларно тестирање (PCR) за инфекции со SARS-Cov-2 и пополнувале неделни прашалници за симптомите. Во просек, секое лице било набљудувано 17 недели. Резултатите беа од септември 2020 година до април 2021 година, пред да се појави делта варијантата во САД.
Студијата покажала дека:
- Децата и возрасните 18 години и постари имале слични стапки на инфекција;
- Децата во различни возрасни групи (од раѓање до 4 години; 5 до 11 години; 12 до 17 години) исто така имале слични стапки на инфекција. Стапките на инфекција во секоја група биле помеѓу 4,4 и 6,3/1.000 лице-недели;
- Околу половина од случаите кај децата биле симптоматски, во споредба со 88% од случаите на возрасни;
- Во домаќинствата со едно или повеќе заразени лица, вкупниот просечен ризик од инфекција во домаќинството бил 52%;
- Просечниот ризик од инфекција во домаќинството бил 40% во Јута и 80% во Њујорк.
Ќе треба да се направат повеќе истражувања за да се испита дали разликите во густината на домувањето, времето на појава на делта варијантата или други фактори придонеле за разликите во стапките на пренос во домаќинствата во Јута и Њујорк. Дополнително, стапките на инфекција и ризикот од инфекција во домаќинствата би можеле да бидат повисоки кај општата популација бидејќи учесниците во студијата најверојатно воделе поголема сметка за превентивните мерки од Ковид-19.
Резултатите од оваа студија нагласуваат дека многу инфекции кај децата остануваат неоткриени, нагласувајќи ја потребата за надзорно тестирање и децата да продолжат со практикување на мерките за заштита од вирусот за да ги заштитат луѓето околу нив, вели д-р Поручник.
„Се додека децата не можат да се вакцинираат, сè уште е важно за нив да носат маски кога се во групи и да се држат одвоени. И најмногу од сè, кога се болни, да се чуваат дома“, вели д-р Кристина Поручник, професор по јавно здравје, University of Utah Health. (News Medical)
