Изминативе денови, училиштата се преполовени со ученици, поради вирозата која се јавува кај децата. Симптомите се течење на носот, температура од 37.2 до 37.8 степени, малаксалост и поспаност, кашлица. Се трае три дена и поминува. Но, има и деца кои се мачат со висока телесна температура, воспаление на грлото, болки во грлото, вртоглавица, главоболка и состојбата трае без разлика на лековите што им се даваат на децата. Е, во тоа е проблемот, велат лекарите.
Секако дека секој родител сака детето што побрзо да оздрави и што помалку да се мачи, но со давањето на различни лекови всушност му се прави лоша услога. Лековите ја одработуваат работата наместо телото и тоа не се учи да се бори со она што го нападнало.
Јакнење на имунитетот по природен пат и користењето на природни начини за лекување се помош на телото само да се избори со болеста и воедно да стекне отпорност.
Имено, владее уверување дека температурата е нешто лошо. Но, таа е всушност добра работа. Според лекарите, таа поттикнува активирање на имуниот систем и покренува одбрана на организмот од бактерии или вируси.
Според стручњаците од Детската болница во Сиетл, температура помеѓу 37.8 – 40 степени е добра за болното дете. Тоа значи дека имуниот систем му работи и дека телото се бори против болеста. Само температура над 42 степени може да предизвика оштетување на мозокот.
Ова се уште неколку корисни информации за родителите.
Само четири проценти од децата имаат напади предизвикани од температура. Тие можаѕт да изгледаат застрашувачки и опасно, но не предизвикуваат никакви трајни оштетувања и траат околу пет минути. Исто така, не секоја температура треба да се намалува. Тоа треба да се направи само ако детето се чувствува многу лошо. Обично тоа е кога температурата е околу 39 или 39.5 степени.
Секако, ако сметате дека детето треба да го однесете на лекар и да се прегледа, направете го тоа. Важно е да го следите детето и да го следите својот инстикт.
