Сузан Хојлертс (90) од Лубик, Белгија починала од вирусот Ковид-19, откако им кажала на лекарите да ги чуваат респираторите за помладите пациенти. Хојлертс се разболела пред две недели, а починала од Ковид-19 на 21 март.
Нејзината ќерка Џудит ја однела на лекар кога почнала да го губи апетитот и да има отежнато дишење. „Имаше пневмонија и беше хоспитализирана минатата година“, изјавила нејзината ќерка.
Таа била однесена во болница, но лекарот рекол дека нејзината заситеност на кислород е премногу мала. Набргу после тоа, таа била позитивна на тестот за Ковид-19.
Нејзината ќерка не смеела да ја гледа повеќе откако била ставена во изолација.
Џудит ги пренела последните зборови на нејзината мајка на локалните медиуми: „Не може да плачеш. Ти направи се што можеше. Имав добар живот“.
Докторите и рекле дека нејзината мајка, која починала ден откако била примена во болница, одбила респиратор.
„Не сакам да користам вештачко дишење. Зачувајте го респираторот за помладите пациенти. Јас веќе имав добар живот“, изјавила таа пред лекарите.
Нејзината ќерка вели дека семејството не знае како 90-годишната старица се заразила со Ковид-19 бидејќи сериозно ги почитувала мерките и препораките за заштита.
„Не можам да се збогувам со неа, а дури немам ниту шанса да присуствувам на нејзиниот погреб“, изјавила Џудит, која е во изолација.
- Извор: The New Zealand Herald
