Кога станува збор за разни животни улоги на жените, улогата на мајка го превзема приматот. Благодарение на тоа, многу трудници повторно стануваат блиски со своите мајки. Подобро ги разбираат, оти почнуваат за себе да размислуваат како за мајка. Секако, не се сите промени кои се случуваат во тој период позитивни. Голем број трудници ќе почнат да чувствуваат стравови во врска со бебето и неговата здравствена состојба, па стравови во врска со одговорноста што ги очекува, но и поради промена во животот со партнерот.
Како тече бременоста, така ќе се менува и однесувањето на трудницата: некогаш ќе биде еуфорична, некогаш депресивна, понекогаш загрижена…
ПРВИТЕ ТРИ МЕСЕЦИ
- Необични желби
Трудничките желби некогаш може да бидат целосно необични. Затоа, кога на пример жената во зима ќе посака јагоди или лубеница во среде ноќ, веднаш се јавува сомнеж дека се работи за бременост. Тоа се промени на вкусот што ги носи бременоста. Кога жената има проблем со мачнини и повраќање, се јавува одбојност кон храната. Таквите промени може да влијаат и на психичката стабилност. Но, состојбата значајно се подобрува со влегување во вториот триместар.
- Поделен однос
Повеќето трудници често имаат поделен однос кон сопствената бременост. Од една страна чувствуваат дека нов живот е создаден во нивното тело, а од друга се јавува загриженост за организација на животот, финансии, однос со партнерот… Поради таквите емоции, жените чувствуваат страв, а често и вина. Но, тоа е нормален тек на прилагодување на бременоста.
ОД 3. ДО 6. МЕСЕЦ ОД БРЕМЕНОСТА
- Стабилност
Ова е најубавиот период од бременоста, оти мачнините престануваат, заедно со некои други пропратни тегоби. Жената полека се привикнува на новата состојба и улогата што ја очекува. Уживајте што е можно повеќе во овој период, оти ќе ви биде потребна сила за она што понатаму ве очекува.
ОД 6. МЕСЕЦ ДО КРАЈ НА БРЕМЕНОСТА
- Страв од породување
Последните месеци од бременоста на некои жени повторно им носат емоционалан нестабилност. Може да се јави замор и раздразнетост. Се мешаат неизвесноста и грижата околу породувањето. Последните денови на чекање за породување, некои жени ќе ги минат мирно, а некои со таков страв, што може да добијат нагла потреба за “големо“ преуредување на домот.
