♦♦♦♦♦♦♦
Коронавирусот може да преживее долга изложеност на високи температури, покажа новата студија објавена на „Biorxiv“.
Истражувачите морале да ја доведат температурата скоро до точка на вриење за да го убијат комплетно вирусот. Овие наоди може да имаат импликации за безбедноста на лабораториските техничари кои работат со вирусот.
Повеќето лаборатории користат 60 степени целзиусови, едночасовен процес за деактивирање на вирусот пред понатамошно процесирање. Но, професорот Реми Шарел и колегите од универзитетот „ Aix-Marsellie“ во Франција откриле дека откако го загреале вирусот на 60 степени целзиусови еден час, тој се уште можел да се реплицира.
Единствено загревањето на вирусот на 92 степени целзиусови околу 15 минути било во можност комплетно да го убие.
COVID-19, пандемијата што го зафати целиот свет, е тежок акутен респираторен синдром предизвикан од вирусот назначен SARS-CoV-2. Додека светот е во изолација како начин да се намали пренесувањето на болеста од човек на човек, научниците ширум светот работат деноноќно за да го проучат вирусот, што потенцијално ги става истражувачите во ризик од инфекција.
Француските научници забележаа дека има малку студии за протоколите за инактивација, чија цел е да се намали ризикот од изложеност на медицинскиот и лабораторискиот персонал.
Додека светот е во изолација како начин да се намали пренесувањето на болеста од човек на човек, научниците ширум светот работат деноноќно за да го проучат вирусот, што потенцијално ги става истражувачите во ризик од инфекција
Исто така, бидејќи употребата на високи температури може сериозно да го фрагментира ДНК на вирусот, истражувачите сугерираат да се користат хемикалии наместо топлина за да се убие вирусот.
„Резултатите презентирани во оваа студија би требало да помогнат да се избере најдобриот протокол за инактивација со цел да се спречи изложеност на лабораторискиот персонал задолжен за директно и индиректно откривање на SARS-CoV-2 за дијагностички цели“, велат авторите на студијата.
Сè уште не е јасно до кој степен вирусот е под влијание на температурите.
Имаше надеж дека вирусот нема да се реплицира на повисоки температури базирајќи се на некои студии кои сугерираа дека тропските земји пријавиле помалку случаи на КОВИД-19. Но, неодамнешните истражувања покажуваат дека вирусот продолжува да се шири и во текот на летото.
„Преносливоста на SARS-CoV-2 не покажа знаци на слабеење во топли и влажни услови“, се вели во кинеската студија објавена во журналот JAMA Network Open во почетокот на овој месец. (news.com.au)
