Опстипација или запек кај дете е честа појава која во повеќето случаи не е причина за сериозна загриженост. Се јавува кога детето има многу тврда столица и врши нужда поретко од вообичаено. Тоа е многу чест гастроинтестинален проблем,а се дефинира како помалку од три празнења на цревата неделно.
Иако бројот на празнења на цревата може да биде различен за секое дете, ненадејната промена може да значи дека постои проблем. Исто така, зопстипација постои ако детето има проблем со исфрлање на столицата која е тврда и голема или воопшто не успева да ја исфрли. Исто така, постојат неколку причини за појава на запек кај децата.
Некои вообичаени причини подразбираат:
- Неправилна исхрана богата со масти и сиромашна со растителни влакна
- Недоволно консумирање на вода и други течности
- Недостаток на физичка активност
- Емоционални проблеми (стрес, вознемиреност)
- Проблеми со дигестивниот тракт
- Нарушувања на тироидната жлезда
- Земање одредени лекови.
Иако опстипацијата се појавува кај речиси секое дете, доколку потрае подолго време, предизвикува големи болки или се јавува со некои други симптоми како повраќање, треска или мачнина, неопходно е да се побара помош од лекар.
