Многу фактори влијаат на појавата на констипација кај новите мајки, а она што проблемот дополнително го влошува се вообичаените работи кои следта по породувањето: непреспиени ноќи, неправилна исхрана, помала физичка активност.
Тешко е да се вратите на физичките активности веднаш по породувањето и да имате редовен сон, но постојат намирници кои во голоема мера може да помогнат при решавање на овој проблем.
Консумирањето на поголема количина на намирници кои содржат влакна е еден од најдобрите начини да го регулирањето варењето на храната. Потребно е 15-20 грама влакна дневно, кои може да ги добиете од овошје и зеленчук, мешунки како црн грав и леќа, како и интегрален леб.
Дехидрацијата може не само да го влоши запекот, туку и да го предизвика, затоа е потребно да внесувате доволно течности во организмот. Доењето исто така предизвикува дехидрација, па се препорачува внес на 8-10 чаши вода дневно.
Кога да се обратите на лекар?
Ако запекот трае подолго,ако е упорен и ако консумирањето на намирници богати со влакна не го решат проблемот, потребно е да се јавите кај својот лекар. Жените кои се опоравуваат од царски рез, треба да се консултираат со лекар пред нагло да го зголемат внесот на влакна.
