Додека некои деца никогаш во животот и не погледнуваат цуцла, други едноставно се заљубени во неа. Одвикнувањето на овие деца од цуцла може да биде голем проблем, а родителите често немаат срце едноставно да ја земат цуцлата и да ја „пресечат“ целата работа.
Честопати, одвикнувањето од цуцла може да трае со месеци, дури и една година или повеќе, а секој обид е проследен со детско плачење, молење и врескање, на што родителите конечно попуштаат. Колку повеќе минува времето, толку е потешко да се ослободите од цуцлата.
Ова се совети како да го направите што е можно полесно:
Подобро е да земете цуцла порано отколку подоцна
Колку подолго детето има цуцла, толку повеќе ќе се врзе за неа. На децата генерално им треба цуцла до една година, а после тоа според советите на педијатрите, може да им се земе, бидејќи после тој период цуцлата повеќе не служи за успивање, туку само како механизам на утеха. Исто така, еден плус за раното земање на цуцла – децата се премали за да се бунтуваат и да протестираат толку силно и упорно колку што ќе можат кога ќе станат малку поголеми.
Ограничете го времето со цуцла
Одредете кое време од денот вашето дете ќе може да го помине со цуцла и обидете се да го ограничите само на спиење и заспивање. Откако детето ќе се прилагоди на новиот режим, почнете со успивање без цуцла. Откако ќе успеете да го успиете детето без цуцла, се што треба да направите е едноставно да ја исфрлите цуцлата за време на самото спиење.
Ден за „големо дете“
Ова е важен ден кога ќе го седнете детето и ќе му објасните дека сега е големо и тоа ќе го поткрепите со многу забавни работи што ги прават големите деца. Се разбира, големите деца не користат цуцла. Потоа изнесете го детето надвор и „направете“ некои од активностите за големи деца – одете на сладолед, пица, играјте игри за „големи“. Ако детето бара цуцла, потсетете го дека сега е големо и не му треба цуцла.
Одвикнувањето од цуцла е потешко колку е постаро детето
Одбројувајте до големиот Д ден
За да го направите „Денот на големото дете“ уште поуспешен, дизајнирајте одбројување до моментот кога вашето дете ќе влезе во светот на „големите деца“. Направете некој вид голем календар, може да биде и хартиена гасеница од која секој ден ќе отстранувате по еден дел. Постојано потсетувајте го вашето дете зошто одбројувате и што го чека на денот Д. Кога конечно ќе дојде важниот ден, бидете поспремни да ја предадете цуцлата бидејќи конечно дочекало да порасне.
