По повеќе од 20 години лекување на срцеви пациенти, кардиологот д-р Ленс Ламот знае колку прехранбените во детството можат да влијаат врз здравјето во возрасниот период.
Како татко на три ќерки тинејџерки, признава дека тој и неговата сопруга поминале низ фаза на брза храна, замрзнати оброци и медалјони од пилешко во облик на диносаурус, но откако со години ги гледале последиците од лошата исхрана одблизу, решиле да всадат поздрави навики во своето семејство.
Еве пет намирници што кардиологот никогаш не им ги нуди на своите деца и здравите алтернативи кои се секојдневие во неговиот дом.
Пуканки од микробранова печка
Брзо и лесно е, но повеќето пуканки за микробранова печка купени од продавница се полни со штетни хемикалии. Пакувањето често е обложено со таканаречени „перзистентни органски загадувачи“ (PFAS), кои се поврзани со проблеми како што се нарушувања на имунолошкиот систем, па дури и вродени дефекти. Ароматизираните адитиви, особено оние со вкус на путер, исто така можат да бидат штетни за вашите бели дробови.
Здрава замена: Пуканки до апарат на топол воздух или пуканки подготвени во тенџере со малку путер или маслиново масло.
Овошни јогурти за деца
На прв поглед, тие изгледаат здрави, но многу овошни јогурти се полни со додаден шеќер и вештачки бои. Порциите често се премногу мали, па децата јадат две или три, што значи дека внесуваат премногу шеќер.
Здрава замена: Обичен грчки јогурт со малку мед и свежо овошје. Децата го обожаваат, а вие знаете дека е здраво.
Преработено месо (виршли, салами, сувомеснати производи)
Овие намирници често содржат големи количини сол, конзерванси и нитрати, кои се поврзани со поголем ризик од срцеви заболувања и рак. Тие исто така ги оштетуваат крвните садови и го зголемуваат ризикот од таложење на холестерол.
Здрави алтернативи: Печено или грилувано пилешко, мисирка, јајца, леќа, наут и киноа. Семејството на д-р Ламот често комбинира животински и растителни извори на протеини.
Засладени житарки и газирани пијалаци
Популарните појадоци полни со шеќер им даваат на децата моментален поттик на енергија, но мнгу брзо доаѓа до нагло паѓање на концентрацијата и расположението. Истото важи и за засладените сокови и газирани пијалаци.
Здрави замени: Појадоци што вклучуваат јајца, овошје, овесна каша, смуди со влакна и здрави масти. За пиење – вода со парче овошје наместо сокови и газирани пијалаци.
Пржена храна
Храната пржена во индустриски масла на високи температури содржи супстанции кои го поттикнуваат воспалението во телото и може да биде опасна по здравјето. Покрај тоа, децата лесно се навикнуваат на таа „крцкава“ текстура и тешко прифаќаат поздрави алтернативи.
Здрава замена: Крцкави слатки компири, чипс од зеленчук и печен зеленчук од фритеза на воздух. Крцкави, вкусни и без штетни масла.
Здравите навики започнуваат дома
Не мора да јадете совршено секој ден. Целта е постепено да се воведуваат поздрави навики. Обрнете внимание на состојките, избегнувајте индустриски масти, изберете интегрална храна и вклучете ги децата во подготовката на оброците – бидејќи тие најмногу учат гледајќи ве. На крајот на краиштата, децата не слушаат што зборуваме, туку што правиме. Затоа, бидете пример што ќе ги следи во текот на целиот нивен живот.
