Се чини дека повисоките нивоа на каротеноиди на мрежницата се поврзани со врвни академски достигнувања и зголемена ефикасност во извршувањето на когнитивните задачи, укажуваат резултати од две нови студии. Имено, научниците од двете студии ги мереле концентрациите на ретинални каротеноиди, лутеин и зеаксантин со помош на оптичка густина на макуларниот пигмент (MPOD).
Се покажало дека децата со поголема оптичка густина на макуларниот пигмент реагираат поефикасно на когнитивните задачи, особено на задачите кои бараат контрола на вниманието. Резултатите од овие две студии даваат нови докази за поддршка на невропротективниот ефект на ретиналните каротеноиди за време на предадолесценцијата.
Лутеинот нормално се акумулира во мрежницата на окото и во неколку други области на мозокот, штити од болести на очите и помага да се зачува когнитивната функција. Исто така, познато е дека овие пигменти се наоѓаат во големи количини во мозокот на детето, што укажува дека тие се некако важни за развојот на мозокот.
Се смета дека поттикнувањето на децата да јадат повеќе храна богата со лутеин, како зелен лиснат зеленчук и овошје, го подобрува когнитивниот статус на децата и секако не е штетно.
Извор: Nutritional Neuroscience
International Journal of Psychophysiology
