Спанаќот е неверојатен зелен лист во кој се спакувани безброј нутриенти. Тој е исклучителен извор на калциум – само една шолја варен спанаќ содржи 42 мг калциум. Исто така, содржи и голема количина на витамин А, железо и селен. Спанаќот содржи и оксална киселина, важна за формирање на цврста врска со минералите како што се натриум, калиум, магнезиум и калциум.
Една шолја варен спанаќ содржи:
ВИТАМИНИ
- Витамин A – 213 мг
- Пантотенска киселина– .3 мг
- Витамин Б3 (Ниацин) – 2.1 мг
- Витамин Б2 (Рибофлавин) – .1 мг
- Витамин Б1 (Тиамин) – .1 мг
- Фолати – 16.9 мцг
Содржи и други витамини, во помали количини
МИНЕРАЛИ
- Калиум – 81 мг
- Фосфор – 151 мг
- Магнезиум – 2.1 мг
- Калциум – 42 мг
- Натриум– 19 мг
- Железо – 1.5 мг
- Селен – 30 мг
Содржи и мали количини бакар и манган.
Кога може да воведете спанаќ во исхраната на бебето?
Некои педијатри сметаат дека спанаќот во бебешката исхрана може да се воведе помеѓу шестиот и седмиот месец, додека други советуваат сепак да се почека до осмиот, или до 10. месец.
Важно е спанаќот да биде свеж, бидејќи бројни студии покажале дека кај спанаќот кој долго стои се зголемува количината на нитрати. Исто така, многу подобра варијанта е да се консумира исечкан спанаќ, отколку пасиран. Но, задолжително консултирајте се со својот педијатар пред воведување на нова намирница во исхраната на вашето дете.
НАЈДОБРА ПОДГОТОВКА ЗА БЕБЕТО
Најдобриот начин за подготовка на спанаќот е тој да се обари или да се зготви на пареа. Спанаќот е обарен кога листовите ќе се намалат, и станува мек и нежен. Кога ќе го подготвите можеби ќе ви изгледа малку жилав, но тоа е добро, оти во спротивно значи дека сте го превариле. Исто така, може да испржите свеж спанаќ на малку маслиново масло. Спанаќот, блитвата и останатиот зелен лиснат зеленчук може и да се бланшира ( да се свари без сол 3-5 минути).
За подготовка на јадење за бебе од спанаќ, блитва… задолжително е додавање на млеко (мајчино или адаптирано).
ВАЖНО! Спанаќот еднаш подготвен не треба да се подгрева, оти на тој начин се ослободуваат нитрити кои не се здрави за организмот на човекот. Исто така, и водата во се варел не се користи за разредување на кашички, поради високата концентрација на нитрати. Зеленчук со висок процент на нитрати, како што е спанаќот, не треба да им се дава на бебињата во големи количини.
