Се чини дека жените кои имаат неповолен исход на бременоста; како што се гестациска хипертензија, прееклампсија или предвремено породување; имаат поголем ризик од развој на мозочен удар во текот на нивниот живот и тоа на помлада возраст, укажува нова студија.
Исто така, во споредба со жените со една некомплицирана бременост, жените кои имале две или повеќе бремености на кои влијаел неповолен исход на бременоста, имале двојно поголем ризик од мозочен удар.
За да се намали ризикот од компликации поврзани со бременоста, интервенциите во животниот стил како здрава исхрана и зголемена физичка активност можат да помогнат.
Се смета дека резултатите од оваа студија ја нагласуваат потребата жените да ја споделат својата историја на бремености со своите лекари, особено ако искусат невролошки симптоми поврзани со мозочен удар или транзиторен исхемичен напад (ТИА) кои поминуваат за неколку минути до неколку часа.
Инаку, мозочен удар се јавува кога ќе престане протокот на крв во мозокот; се смета за итна медицинска состојба која бара итна помош. Мозочниот удар може да влијае на способноста на лицето да се движи, да зборува, да јаде, да пие, да голта, да гледа јасно, да размислува и помни, да решава проблеми или да ги контролира телесните функции како што се мокрењето и емоциите.
Извор: Stroke
