Децата уживаат во моментот, не оптоварувајќи се со она што било, едноставно создавајќи среќа. И затоа не е на одмет да детските животни мудрости и важни леквии кои несебично ги споделуваат да ги научиме од нив.
Имагинацијата е фантастична работа
Стареењето е неизбежно, но не дозволувајте годините што минуваат да го задушат детето во вас. Обидете се да не станете здодевни и да ви е здодевно без разлика колку години имате.
Парите навистина не значат многу!
Децата забележуваат ситници во светот околу нив, се насмевнуваат кога ќе видат цвет во паркот, мачка или куче на улица. Тие гледаат во ѕвездите. И се смеат, понекогаш толку убаво и без посебна причина. Насмевката не чини ниту денар. Нема подобра животна мудрост, нели?
Почитувањето е секогаш взаемно
Не можете да очекувате некој да ве почитува ако вие него не го почитувате. Мора да умеете да слушате, за другите да ве слушаат вас.
Природата е најевтиниот и најчист извор на задоволство на овој свет
Не дозволувајте да пропуштите прекрасни моменти затоа што се плашите дека ќе ги „извалкате панталоните“.
Не гледајте на другите
Бидете доследни, држете се до вашите уверувања и искрено зборувајте што мислите. Знаете како се вели, децата „не знаат да лажат“. Размислете колку би бил подобар животот доколку луѓето не би учеле да лажат, како што минуваат годините… Нам ни се чини дека на повеќето возрасни луѓе им недостига оваа животна мудрост.
На сите понекогаш ни треба некој да не држи за рака
Толку е едноставно. Чекорете низ животот без страв, со детска љубопитност и не дозволувајте секојдневието да ве претвори во огорчена личност со скршена самодоверба.
И за крај, можеби и најважното: Што прават децата кога ќе паднат? Стануваат и пак трчаат!
