Генералното собрание на ОН ја прогласи 2021 година за меѓународна година на овошјето и зеленчукот. Се работи за намирници битни за здравјето, но консумацијата од страна на децата често не ги достигнува препорачаните пет дневни порции. Иако сите овошја и зеленчуци се корисни и препорачливо е да јадете разновидно, во центарот на вниманието се јаболката.
Зошто јаболката се толку важни во исхраната на децата
Јаболката се исклучително популарни. Не само што ги има насекаде во светот, туку се достапни и преку целата година. Од таа причина, тие се второто најпопуларно овошје на планетата. Кога станува збор за децата, јаболката се секогаш добра опција и не случајно тие се една од првите намирници кога станува збор за започнување со дохрана.
Некои од карактеристиките на јаболката се:
- Не бараат подготовка. Се што треба да направите е да ги измиете и да ги понудите во различни рецепти, во зависност од возраста на детето.
- Тие се лесно сварливи бидејќи водата сочинува 85% од нивната структура и имаат голема количина влакна.
- Благодарение на влакната и високата содржина на фруктоза, тие се многу добро избалансирани со хранливи материи.
- Содржат голема количина витамини и минерали, како што се калиум, магнезиум, калциум и витамини Ц и А.
- Се состојат од разни полифеноли (антиоксиданти) кои даваат карактеристични бои, вкусови и текстури.
Сите овие својства го штитат здравјето на децата и спречуваат одредени здравствени состојби:
Помагаат да се намали инциденцата на цревни заболувања
Како што споменавме, јаболката се извор на влакна. Пектинот, кој е многу растворливо соединение, е корисен за рамнотежата на цревните бактерии. Главно е присутен во кората на плодот. Внесот на влакна е клучен за добро варење и го намалува ризикот од рак на дебелото црево. Покрај тоа, спречува појавува на воспалителни болести на цревата.
Го намалуваат ризикот од дијабетес и дебелина
Научниците велат дека секојдневната консумација на јаболка или круши го намалува ризикот од дијабетес тип 2. Колку повеќе децата ги јадат секоја недела, толку е поголема придобивката. Консумацијата на јаболка помага да се намали нивото на шеќер во крвта, благодарение на антиоксидантното и антиинфламаторно дејство на полифенолите.
Што се однесува до децата со прекумерна тежина, оваа храна им помага да ослабнат и да го намалат акумулирањето на масти.
Помагаат во спречување на кардиоваскуларни заболувања
Уште една придобивка од јаболката за децата е тоа што помагаат во намалување на кардиоваскуларните ризици во иднина, се вели во студија објавена во списанието „Nutrients“. Консумацијата на јаболка го намалува дејството на ЛДЛ (лошиот) холестерол и триглицериди во крвта, благодарение на дејството на компонентите што се наоѓаат во кората на овошјето.
