Во текот на првите три дена, веројатно ќе пробувате како и колку често да го доите своето бебе. Како би се чусвтвувале посигурно, ова се некои информации со кои ќе знаете што да очекувате.
Не ја пропуштајте првата прегратка на породувањето
Давањето на новороденчето на мајката во прегратка веднаш по раѓањето, за да оствари директен контакт кожа на кожа, во светот се нарекува Kangaroo care метода. Овој прв контакт на мајката и бебето помага новороденчето побрзо да почне да цица. Бидете трпеливи, обично е потребно еден час за бебето да почне да јаде. Дајте си себе си време и искористете го тој период да се поврзете со своето дете.
Наспијте се
Одморот е клучен за опорувавување по породувањето. Ќе ви помогне да се чувствувате поопуштено и посмирено додека го доите бебето, а го зголемува и нивото на енергија за новороденчето и поттикнува создавање на млеко.
Не правете распоред на доење
Тие први неколку денови обидете да го доите бебето “на барање“, оти мајчиното млеко е важно за раниот развој на бебето.
Разговарајте со лекарот
Разговарајте со својот лекар за тиа на што треба да обрнете внимание кога ќе почнете со доење, како и кога би требало нешто да ве загрижи. Верувајте и на својата интуиција.
Подгответе се за втората ноќ
Вашето новороденче веројатно мирно ќе спие подолг период во текот на првиот ден од својот живот. Бидете подготвени за периодот по тие први 24 часа, оти тогаш бебето ќе биде будно и ќе сака да јаде.
