Повеќето луѓе во поимот мајка гледаат пожртвувана жена која негува безусловна љубов кон своите деца и која ќе направи се да своите наследници ги насочи на вистинскиот пат, одрекувајќи се од се и сешто. Но, не се сите мајки такви. Знаете ли како се однесува токсична мајка?
Наметнување чувство на вина и срам
Ова однесување почнува со зборовите “Ти секогаш…“ и силно се врежуваат во свеста на детето. Во детската глава тоа станува и лична критика, глас кој постојано ги повторува, обвинува и и ги истакнува грешките, а пофалбите се избегнуваат.
Улога на жртва
Многу мајки всушност играат улога на жртви, а децата за тоа не се ни свесни. Токсичната мајка постојано го потсетува детето колку е неблагодарно, а реченицата обично завршува со “После се што сум направила за тебе“. Ваквото однесување живее во детето и кога ќе порасне, а мајката продолжува со својата токсична улога, особено ако детето сфатило за што станува збор и се обидува да го ограничи гледањето и контактот со мајката.
Игра на симпатија
Фаворизирање на едно дете се случува во многу семејства. Но, кога мајката кон едното дете е прекрасна, а кон другото токсична и го понижува, постојано го споредува со “доброто“ дете истакнувајќи колку тоа е лошо, психолошките проблеми се речиси загарантирани.
Според психолозите, токсичната мајка вака се однесува како би ги контролирала децата, за да формира однос помеѓу децата каков што дака да биде и манипулира за децата постојано да имаат потреба од нејзината поддршка и пофалба. Ако е во прашање единец дете, и тоа постојано ќе биде споредувано со детето на соседот, на тетката, на чичкото…
Пасивна агресија
Мајката може да изразува пасивна агресија кон детето индиректно, на пример, низ грди коментари за таткото кога е присутно детето. Детскиот развој директно е поврзан со начинот на кој родителите се однесуваат едни кон други и кон останатите членови на блиското и пошироко семејство. И токму затоа родителите имаат огромна улога во тоа какви луѓе ќе станеме кога ќе пораснеме.
Ако детето сведочи на вербален бес, казнување со тишина, психичко малтретирање, големи се шансите дека детето ќе развие слични пореметувања во однесување во просек веќе од 8 до 10. година.
