Новите родители често имаат некои очекувања и планирања кога бебето ќе дојде на свет. Но, многу брзо стануваат свесни како плановите, еден по друг, паѓаат во вода. Ненаспиеност, физичка и ментална исцрпеност, постојано внимание кое новороденчето го бара… сето тоа не остава ниту малку време за некои активности кои би ги усреќиле и самите родители.
Уште еден предизвик со кој новите родители, а особено мајките мораат да се соочат, и тоа неочекувано, а тоа е осаменоста. Секој би помислил дека 24 часа со бебето, ден и ноќ создава спротивно чувство од осаменост. Мајките и тоа како се чувствуваат поврзано со новороденчето, но исто така се чувствуваат исклучено од сите останати луѓе кои некогаш припаѓале на нејзиното вообичаено опкружување.
Колку и да звучи незагрижувачки, осаменоста тоа не е. Ако трае долго, може да се одрази на човековата емоционална, но и физичка состојба.
Психолозите велат дека сепак постои низа на фактори кои припомагаат на осаменоста.
“Да се има бебе е многу стресно во една релација, особено ако партнерот чувствува дека другиот не му нуди доволно поддршка. Поради тоа, постои потреба да се вложи и во други односи, а тоа се пријателските. Но, за тоа често се нема или време или сила или пак постои анксиозност поради одвојување од бебето од кое всушност и сакате малку да се одвоите“, истакнуваат психолозите.
