Никој од нас не знае однапред каков родител ќе биде бидејќи, колку и да размислуваме однапред за тоа, не знаеме многу работи додека не се најдеме во одредени ситуации.
Сепак, некои знаци може да укажуваат на тоа дека постојат големи шанси мажот да биде одличен татко, а еве на што треба да обрнете внимание.
1. Има убав, топол однос со татко му
Татковскиот инстинкт, речиси по правило, се појавува подоцна од мајчинскиот. Сепак, првите индикации за тоа каков човек ќе биде тато, можете да ги видите од односот со неговиот татко. Човек кој има топли и доверливи односи со својот татко, без ривалство и било какво екстремно однесување, најверојатно ќе биде добар татко.
За да дознаете повеќе за ова, можете да го прашате партнерот како го поминувал времето со својот татко во детството и од ова ќе разберете дали татко му е доминантен, колку учествувал во воспитувањето на детето, какви методи на воспитување користел. …
Покрај тоа, набљудувајте го однесувањето на вашиот партнер кога сте кај неговите родители. Тешкото детство и лошиот однос со родителот не мора да значи дека вашиот партнер ќе се однесува лошо, но мали се шансите сето тоа да не оставило никаква трага на него.
2. Има добра комуникација со своите браќа или сестри
Друг добар знак е ако мажот има добри, блиски односи со своите браќа и сестри. Ако со задоволство се сеќава на некои моменти и се шегува со нив, ако зборува за тоа како се грижел за својот брат или сестра во некои ситуации, постојат сите шанси подеднакво да им се посвети на децата.
3. Не ја префрла вината на другите
Ако мажот ги обвинува другите за се што е незадоволен во животот, голема е веројатноста дека истото ќе го направи и во бракот. Мажите кои не преземаат одговорност за ништо се незрели, детски и ќе имаат таков однос со детето, што значи дека најверојатно ќе треба да се грижите за него и за вашите наследници.
4. Знае да управува со парите
Парите навистина не се најважната работа во животот, но факт е дека ви се потребни за да се грижите за вашето дете. Затоа е важно покрај себе да имате маж кој знае добро да управува со парите, без разлика дали се малку или многу. Дефинитивно не сакате покрај вас маж кој е подготвен да се задолжи само за да купи некоја од најскапите колички или од друга страна некој кој ќе инсистира дека воопшто не ви е потребна количка.
5. Ве почитува
За односот на таткото со детето е многу важно таткото да ја сака својата партнерка, односно мајката на детето. Кога има љубов, тогаш се друго може да се договори попатно.
Она што секако е сè уште важно е да бидете трпеливи и да му дадете на вашиот партнер можности и време да научи како да менува пелени, да го облекува детето и да прави се друго што е потребно. Не обвинувајте го за секоја грешка, туку обидете се да го цените неговиот труд и ќе видите како постепено тој ќе стане подобар.
