Родителите често стравуваат дали нивните бебиња доволно јадат, спијат и дали успешно растат и се развиваат. Ова се знаци дека бебето е здраво
Бебето се смирува кога ќе го допрете и кога ќе ви го чуе гласот
Ова покажува дека сте успеале да се поврзете со своето бебе. Новороденчињата многу плачат, но мајчиниот глас и гласот на таткото се нешто што со месеци им го привлекувало вниманието додека биле во стомакот, па истото се случува и кога ќе се родат. Кога ќе го слушнат гласот на родителите, во комбинација со носењето и галењето, тоа секако би можело да ги смири и е прв чекор во емоционалниот развој.
Дневно менувате и по 10 пелени, а бебето добива на тежина
Тоа докажува дека доволно се храно, иако количината на испиеното млеко од ден во ден може да варира. Мнопгу мајки кои дојат, се прашуваат дали тоа е доволно за бебето. Доказ за тоа се мокрите пелени. Не бидете опседнати со количината на секој оброк, оти бебињата не јадат еднакво секој ден, па ни при секој оброк. Клучен е севкупниот резултат – растот на тежината.
Бебето е тивко и внимателно барем неколку пати дневно
Првите недели од бебешкиот живот се карактеризира со хранење секои два часа и многу спиење и до 16 часа дневно, но ретко неколку часа во целост. Помеѓу тие активности има многу плачење и тоа е се. Со напредувањето, бебето почнува да учи како да ги контролира своите мускули и се фокусира на нешто, а најчесто се тоа родителите, и вие почнувате да сфаќате каков “мал сунѓер“ кој впива се што ќе види дека имате во рацете. Кога бебето е тивко или крева узбуна, тоа е знак дека следи се околу себе и процесуира нови информации.
