Дрско, безобразно, тврдоглаво или роден лидер, се се тоа називи кои често го опишуваат однесувањето кај децата кои не го знаатсвоето место во семејството. Често за таквите деца се вели дека се размазени и дека родителите не им поставиле граници. Родителите понекогаш и не забележуваат дека детето навистина така се однесува, а роднините и пријателите не сакаат да се мешаат во воспитувањето.
Ова се примери кои може да ви покажат дали вашето дете е дрско и дали нешто треба да промените во воспитувањето.
- Ве вика по име, а не мамо или тато
Тоа е генијална тактика која автоматски го елиминира родителскиот авторитет. Ако детето навистина е дрско, тоа често ќе го нагласува вашето име со одреден тон, а може и да ви го додаде призимето. Тоа е истиот начин на кој нему му се обраќате кога направило нешто што не треба или не смее.
- Веќе на возраст од три години воопшто не ве слуша
Иако е толку мало, вашето дете многу вешто избегнува се што ќе му кажете дека треба да направи. Едноставни реченици како “Одиме да јадеме“ или “Стави ги чевлите на место“ кај него не предизвикуваат никаква реакција. Можеби веќе знае и да превртува со очи кога нешто ќе му кажете, така што некогаш може и да изгледа дека веќе има “чудни напади“.
- Без проблем го прекинува разговорот на возрасните
Во денешно време границите се комплетно поместени. Децата мислат дека се целосен центар на светот, не само кај родителите, туку општо во целиот универзум. Детето едноставно ќе влета во разговорот на возрасните и гласно ќе изјави што му треба или сака.
- Не прашува, туку кажува
Наместо да каже: „Мамо, може ли да одам да си играм со куклите во дневна?“, дрско дете едноставно ќе изјави “Одам да си играм со куклите во дневна“. Иако можеби веќе сте му рекле дека треба да почека и дека не може сега да си игра во таа соба.
- Вашиот обид да воведете дисциплина поминува неуспешно
Вие: “Ако не го направиш тоа, ќе одиш во соба“. Детето: “Тие ќе одиш во соба“. И вие не знаете што да кажете на тој детски одговор.
- Неговата омилена фраза е: “Ти не си мој шеф“
Одеднаш сфаќате дека детето кое е високо само 110 сантиметри и не може само да се грижи за себе, станал ваш шеф. Вие се грижите за сите негови потреби, но детето одредува што ќе прави и кога.
