Многу родители се загрижени дека нивните деца развиле чувство дека светот треба да се врти околу нивните потреби и желби. Како што објаснуваат психолозите, иронично е тоа што родителите често преку своите постапки несвесно поттикнуваат на вакво размислување и однесување кај своите деца. Најчесто тоа се случува ког им ги удоволуваат и на најмалите работи, прават се намести нив или никогаш не очекуваат да преземат одговорност за своите постапки.
Но, како да препознаеме дали детето се однесува егоистично или не? Ова се знаци кои би можеле да укажат дека подигаме малку егоист, велат психолозите.
Никогаш не го прифаќа зборот „не“ како одговор
Детето кое е егоистично во повеќето случаи тешко го прифаќа зборот „не“ како одговор, а ако го слушне најчесто реагира со излив на гнев или бес. Таквите деца размислуваат на начин дека само тие се во право, а ако нешто не е како што замислиле, се чувствуваат фрустрирани, лути или разочарани.
Постојано сака да биде во центарот на вниманието
Доколку однесувањето на детето е постојано насочено кон барање внимание и одобрение од другите, психолозите тврдат дека би можело да станува збор за егоистично дете. На сите ни треба одобрение, но децата кои се преоптоварени со себе се подготвени да направат се што е потребно за да бидат забележани.
Никогаш не е задоволно со тоа што го има
Себичните деца никогаш не се задоволуваат со работите што ги имаат. Наместо да бидат среќни и благодарни за она што го имаат, огромното мнозинство егоистични мали деца секогаш сакаат повеќе и повеќе, што всушност создава маѓепсан круг.
Секогаш е нетрпеливо
Психолозите тврдат дека егоистичното дете често покажува карактеристики на нетрпелива личност. Бидејќи детето со егоистична природа мисли дека сè треба секогаш да добие прво, чекањето може да резултира со лутина или бес. Сите работи што малиот егоист ги сака, ги сака веднаш и нема време да ги чека.
