На бебињата, цел ден им минуваат гасови низ цревата, а понекогаш едноставно менување на положбата – како повлекување на нозете кон градите, може да им помогне полесно да се движат.
Но, во ретки случаи, повлекувањето на нозете може да биде знак и за сериозна здравствена состојба наречена инвагинација (интусусцепција), која се случува кога дел од цревата се повлекуваат во себе, како телексоп. Тоа може да го блокира минувањето на храната и да го прекине дотокот на крв во тоа подрачје, а може да биде и многу сериозно. Според Мајо клиниката, интусусцепцијата е најчестата причина за цревна опструкција кај децата помлади од три години, иако причината за повеќето случаи на инвагинација кај децата е непозната.
Знаците на интусусцепција вклучуваат:
- Изненаден гласен плач
- Повлекување на колената кон градите кога плачат
- Столица измешана со крв и слуз
- Повраќање
- Јазол во стомакот
- Летаргија
- Пролив
- Грозница
Децата со интусусцепција може да имаат еден или повеќе од горенаведените симптоми: некои може да ги имаат без болки, додека други може да имаат само болка и никакви други симптоми. Болката при оваа состојба доаѓа и си заминува во почетокот, обично на секои 15 до 20 минути. Тие болни епизоди траат и подолго и се случуваат почесто како поминува времето.
Што да направите кога бебето ги повлекува нзоете кон градите?
За детето да се ослободи од гасовите, обидете се да му го масирате стомачето во насока на стрелките на часовникот или ставете го со лицето надоле на колената, нежно мрдајќи ги нозете како би го масирале стомакот.
Кога треба да се обратите на лекар?
Во повеќето случаи, бебето ги повлекува нозете за да се обиде да ги ублажи болките од гасовите и тоа ќе помине. Но, ако плаче гласно секои неколку минути и тоа станува се погласно и подолго, а ако има и други симптоми, веднаш треба да отидете на лекар, за правилно поставување на дијагнозата.
